2 Samweli 14:25 - Biblia Kikutu

²⁵ Mwiisi yose ya Izilaeli kukala kuduhu munhu yoyose yanogile kamba Abisalomu. Kusongela kudipala mbaka mulugayo hakalile na kilema chochose.

2 Samweli 14:25 ပူးပေါင်းရင်းမြစ်များ

Nongezi 31:30

Usamhu samhu odaha kuwa uvizi na unovu odaha kubita, lakini mtwanzi yomdumba Mndewa Imulungu kotogoligwa.

Matayo 23:27

“Mogaya mweye wafundiza Malagizo ga Musa na Mafalisayo, mweye mwa watapitapi! Muigala na vikuta va mapanga vibakigwe langi nzelu, kwa kunze gokoneka ganoga, lakini mgati gamema mizege ya wanhu wafile na kila kinhu kihile.

Waefeso 5:27

ili wawe wanhu wang'alile na wanogile ng'hani, wanhu welibule dowa, kwiha hebu chochose kili kamba acho.

Kumbukumbu 28:35

Mndewa Imulungu kowatowa kwa kuwagalila mipute mmavindi na mmagulu na hamuhonyigwa bule, gokwenela kulawa mzinyayo mbaka mmapala.

1 Samweli 16:7

Lakini Mndewa Imulungu kamulongela Samweli, “Sikuulole kihanga chake hebu utali wake, niye nimulema kwavija niye sitenda kamba viwotenda wanhu. Wanhu olola lukuli lwa kunze lakini niye nolola mgati muumoyo.”

1 Samweli 9:2

Kishi kakala na mwana wa kimbigalo yakemigwe Sauli, Sauli kakala mbwanga yanogile, kukala kuduhu munhu yanogile kubanza Sauli mwiisi ya Izilaeli, kakala mtali kubanza wayagwe, wose wamvikila mmaega.