2 Samweli 14:14 - Biblia Kikutu

¹⁴ Siye wose todanganika. Siye kamba vija mazi getike hasi hagadahika kuzoleka kabili. Lakini Imulungu halonda iwe vivo, ila kotenda nzila ili wose wakimbile sikuwagendelele kukala kutali na heyo.

2 Samweli 14:14 ပူးပေါင်းရင်းမြစ်များ

2 Samweli 11:25

Daudi kamulongela ija imsenga, “Ukamulongele vino Yoabu, ‘Mbuli ayo sambi ikugele lusikisiki, sime dabule meso, ng'hondo yokoma yoyose ija. Gangamala kudikoboza buga na udibanange dijo.’ Avo umgele moyo Yoabu kwa mbuli azo.”

2 Samweli 14:15

Niye niza nilonge na gweye mndewa wangu, kwavija wanhu wakala ondumbiza. Avo msang'hanaji wako, nigesa vinoga nonge na gweye mndewa, sengine konhendela gaja gonilonda niye msang'hanaji wako.

Zabuli 22:14

Nitika kamba mazi, na mizege yangu yose yogedela, moyo wangu kamba uhota, olumbuka mgati yangu.

Zabuli 22:15

Nguvu za lukuli lwangu zinyala kamba zae, lulimi lwangu lonata mmulomo wangu. Kunileka mna inhimbwisi ya ifa.

Zabuli 58:7

Waleke wasegele kamba mazi gokilima himahima, wahakwega upinde misale yao iwe dugi.

Zabuli 77:8

Vino unogelo wake hawishaga usegela milele? Vino gaja gayalongile hagavikizwa milele?

Zabuli 79:3

Weta damu yao kamba mazi kuzunguluka buga jose da Yelusalemu, na haduhu munhu yoyose wa kuwazika.

Zabuli 90:10

Siku zetu za kukala miyaka malongo saba, kamba tuna nguvu tokala miyaka malongo nane, lakini miyaka yose imema magazo na madununzo, na yobita himahima na siye tolawanya.

Zabuli 90:3

Kowabweza iwanhu kuditimbwisi, gweye kolonga, “Bweleni kuditimbwisi, mweye iwanhu.”

Kulawa 21:13

Kamba munhu halondile munhu ayo yafe lakini Imulungu kaileka mbuli ayo ilawilile, munhu ayo yakimbilile hanhu hanogile honda niwasagulileni.

Walawi 26:40

“ ‘Lakini kamba wahazitambula nzambi zao na nzambi za wahenga zao na gehile gawanhendile niye na kundema,

Kupetigwa 35:15

Mabuga gago gokuwa hanhu ha kukimbilila mbuli ya Waizilaeli na iwanhu baki iwokala na hewo siku zose hebu iwanhu baki iwokala hamoja na hewo kwa siku ndodo. Munhu yoyose yahamkoma miyage bila kulonda kodaha kukimbilila mumo.

Kupetigwa 35:25

Awo umting'hano umsegese ayo imunhu yakomile mmakono ga ndugu yake ayo yakomigwe, na wambweze kudibuga da kukimbilila kuko kuyakimbilile. Yakale kuko mbaka vonda yafe imulava nhosa mkulu yasaguligwe kwa kugidiligwa mavuta.

Kupetigwa 35:28

Kwavija imunhu ayo yamkomile miyage kolondigwa yakale mumo kudibuga da kukimbilila mbaka vonda yafe imulava nhosa mkulu, lakini yahafa ayo imulava nhosa mkulu kodaha kubwela ukae kumwake.

Matayo 22:16

Wawatuma wanahina zao hamoja na wanhu wayagwe mna ikibumbila cha Helode. Walonga, “Mfundiza, tokujuwa gweye kwa munhu ulonga ukweli na kofundiza nzila za Imulungu mna ikweli. Humdumba munhu yoyose, kwavija hutonga ukulu wa munhu.

Sang'hano 10:34

Baho Petulo kasonga kulonga, “Sambi nojuwa kweli Imulungu hambagula munhu yoyose.

Walumi 2:11

Kwavija Imulungu hambagula munhu yoyose.

Kumbukumbu 10:17

Kwavija Mndewa Imulungu, Imulungu wenu ayo Imulungu wa imulungu na Mndewa wa iwandewa. Heyo ayo Imulungu mkulu na yeli na udahi na wakudumbigwa, habagula iwanhu na habokela hongo.

Waebulania 9:27

Kamba vija kila munhu kofa mwanza umoja, abaho kotagusigwa na Imulungu,

1 Petulo 1:17

Kwavija mwahampula momkema Tata, yuyo yonda yamtaguse kila munhu bila kubagula kamba viyasang'hane, mukale hano mwiisi kamba wanhu baki kuno momtegeleza kwa kugwaya.