2 Samweli 13:24 - Biblia Kikutu

²⁴ Abisalomu kachola kwa mndewa Daudi kumulongela, “Niye msang'hanaji wako nina kiwili cha kuwakanha mibahila ng'hondolo. Chonde, nokupula gweye mndewa hamoja na wasang'hanaji zako mwize.”

2 Samweli 13:24 ပူးပေါင်းရင်းမြစ်များ

Mwanduso 38:12

Siku heleketwaa zibita, mndele wa Shua mwehe wa Yuda kafa. Yuda viyamambukize gamatanga, kasegela na mbwigake Hila, munhu wa Adulami wachola Timina kwa wanhu wakalile okanha mibahila ya ng'hondolo wake.

2 Samweli 13:23

Viibitile miyaka mibili kumwande, Abisalomu kakala na kiwili cha kuwakanha mibahila ng'hondolo zake kudibuga da Baali Hazoli behi na Efulaimu. Kawagoneka wana wose wa kimbigalo wa mndewa.

2 Samweli 13:25

Mndewa kamwidika, “Hailondigwa siye wose twize, bule tokuwa mzigo kumwako.” Lakini Abisalomu kagendelela kumsusumiza tatake yachole, lakini mndewa kalema, ila kamtambikila.

Zabuli 12:2

Kila munhu komvizila miyage, olonga kwa ulonzi wa kutewenza, na mizoyo ya utapitapi.

Zabuli 55:21

Mbuli zake zamulile kubanza uki, hata ivo mmoyo wake kuna ng'hondo, mbuli zake zonyilibuka kubanza mavuta, lakini zokanha kamba sime dinoligwe.

1 Samweli 25:7

“‘Nihulika kowakanha mibahila ng'hondolo zako, nolonda ujuwe kamba wasusilaji zako wakala hamoja na siye, na siye hatuwatendele gehile. Vivija siku zose vitukalile hamoja kudibuga da Kalimeli, hakibigwe kinhu kulawa kumwao.