2 Samweli 11:8 - Biblia Kikutu

⁸ Abaho Daudi kamulongela Ulia, “Genda ukayako ukasunhe magulu gako.” Avo Ulia kalawa kwa mndewa, abaho mndewa katuma wanhu wamgalile nhunza.

2 Samweli 11:8 ပူးပေါင်းရင်းမြစ်များ

Mwanduso 18:4

Ndekeni niwagalile mazi ga kusunha magulu genu, humuleni hano hasi mdibiki.

Mwanduso 19:2

kalonga, “Wakulu zangu, chonde tucholeni ukae kumwangu, niye na msang'hanaji wenu. Ako mosunha magulu genu na kuwasa kumwangu kilo cha lelo, abaho imitootondo ng'hani mogendelela na mwanza wenu.” Lakini, awo walonga, “Bule, towasa baha kunze kulubuga.”

Mwanduso 43:24

Mulolesaji ayo viyawagoneke mng'anda ya Yusufu tanhu kawagwaa mazi wasunhe magulu gao na vivija kawagwaa ndiya vihongwe wao.

Mwanduso 43:34

Ndiya ikala ilawa kwa Yusufu na igoligwa kumwao, lakini Benjamini kagweleligwa miyanza mitano ng'hani ya kija kiwagweleligwe ndugu zake. Avo waja na kung'wa kuno odeng'helela hamoja na heyo.

Zabuli 12:2

Kila munhu komvizila miyage, olonga kwa ulonzi wa kutewenza, na mizoyo ya utapitapi.

Zabuli 44:21

vino Imulungu sambi yajuwe? Kwavija heyo ayo yagajuwile magesa ga kinyelegezi geli mmoyo.

Zabuli 55:21

Mbuli zake zamulile kubanza uki, hata ivo mmoyo wake kuna ng'hondo, mbuli zake zonyilibuka kubanza mavuta, lakini zokanha kamba sime dinoligwe.

Luka 12:2

Kinhu chochose kigubikigwe chogubuligwa, na kija kifisigwe chojuwika.

Luka 7:44

Abaho kamuhindukila mtwanzi ija na kamulongela Simoni, “Komona mtwanzi ino? Niza kuna ikae yako, hungwelele mazi ga kusunha magulu gangu, lakini mtwanzi ino kagasunha magulu gangu kwa mahozi gake na kagahangusa kwa mvili zake.

Waebulania 4:13

Kuduhu kinhu chochose kifisigwe mgameso ga Imulungu. Kila kinhu kigubuligwa na koneka mgameso gake. Kumwake heyo tolondigwa kumulongela sang'hano zetu.