2 Petulo 2:8 - Biblia Kikutu

⁸ munhu ayo yanogile kakala konyunyuwala ng'hani kila siku viyone na kuhulika gehile gasang'hanigwe na wanhu awo wehile.

2 Petulo 2:8 ပူးပေါင်းရင်းမြစ်များ

Mwanduso 13:13

Wanhu wa kuko Sodoma wakala wehile na wakala omtendela Mndewa Imulungu nzambi nyingi.

Zabuli 119:136

Meso gangu kolava mahozi kamba lwanda, kwavija wanhu hawagagoga malagizo gako.

Zabuli 119:139

Unogelo wangu kumwako onitenda nyone usungu, kwavija wanhu onihila hawazigelegeza mbuli zako.

Zabuli 119:158

Nowalola iwanhu hawatamanilwa na nowehila, kwavija hawagagoga malagizo gako.

Nongezi 25:26

Munhu yeli na haki yahatogola kukweleleza mbuli za wanhu wehile, kamba nzasa itibuke hebu sima ditibuke.

Nongezi 28:12

Wene haki wahapata ukulu, wanhu odeng'helela, lakini wanhu wehile wahatawala, wanhu oifisa.

1 Timoseo 1:9

Tolondigwa tujuwe kamba Malagizo hagekigwe kwa wanhu otenda ganogile, lakini kwa hewo obena Malagizo na otenda gehile na wanhu hawamtegeleza Imulungu na hewo otenda nzambi na kwa hewo hawamtambikila Imulungu hebu hawatogola chochose na kwa hewo owakoma tata zao hebu mama zao na kwa hewo wakomaji,

Waebulania 11:4

Kutamanila ako kumtendile Habili yamulavile Imulungu nhosa inogile kubanza Kaini. Kutamanila kwake kumtenda yatogoligwe na Imulungu kamba kanoga, kwavija Imulungu mwenyego kazigwaa nhogolwa nhunza zake. Kwa kutamanila kwake hata kamba Habili kafa, mbuli zake ziyatendile zing'hali zotufunza.

Yakobo 5:16

Avo kila munhu yamulongele miyage nzambi zake, muipulile ili muhonyigwe. Kupula kwa munhu yanogile mgameso ga Imulungu kuna nguvu ng'hani ya kutenda mengi.