2 Petulo 2:6 - Biblia Kikutu

⁶ Imulungu kawatagusa wanhu wa mabuga mabili ga Sodoma na Gomola, na kawasakaza wanhu wose kwa moto, na kawatenda wawe kilaguso kwa kija chonda kilawilile kwa wanhu hawamtonga Imulungu.

2 Petulo 2:6 ပူးပေါင်းရင်းမြစ်များ

Mwanduso 19:28

Kalola hasi mwambu wa Sodoma na Gomola, kubonde jose kona yosi dofililika mwiisi. Yosi dijo diigala na yosi dilawa mdibiwi kulu dikwaka.

Kupetigwa 16:38

Viya avo ving'ala kwavija wanhu awo wavigala muupango wa nhosa wa Mndewa Imulungu. Avo, visole viya avo va wanhu awo wakomigwe mbuli ya nzambi zao, vilumbuligwe kwa moto ili viwe ngubiko ya upango wa nhosa. Mbuli ayo yokuwa kilaguso kwa Waizilaeli wose.”

Kupetigwa 26:10

Isi igubuka na iwameza, wafa hamoja na Kola na iwanhu wamkweleleze, moto viuwalukuze wanhu magana mabili na malongo matano, acho kiwa kinhu cha kuwazuma iwanhu.

Matayo 10:15

Nowalongeleni ukweli mna isiku ya nhaguso Imulungu kowonela bazi wanhu wa buga da Sodoma na Gomola kubanza buga dijo.”

Matayo 11:23

Vivija na gweye Kapelinaumu! Vino kolonda kuinula mwenyego mbaka kuulanga? Kohumulusigwa mbaka kowochola wanhu wafile! Maza unzonza utendigwe kumwako gweye wahatendigwe Sodoma, isi ayo yahasigale mbaka lelo!

Walumi 9:29

Kamba Isaya viyalongile ako kuchugu, “Maza Mndewa yeli na udahi sambi yatulekele wanhu wayagwe mulukolo, twahabanangike kamba wanhu wa Sodoma na Gomola.”

1 Wakolinto 10:11

Mbuli zose azo ziwalawilila wao, iwe kilaguso kwa wayagwe na zandikigwa kutuzuma siye. Kwavija tokala mna ikipindi cha mmabehi na uhelelo wa isi.

Kumbukumbu 29:23

Isi yose yomema mabwe gokwaka na mkele, kuduhu kinhu kihandigwa hebu kikota, hata misanze hoyota bule. Yokuwa kamba Mndewa Imulungu viyagabanange mabuga ga Sodoma na Gomola na Adima na Seboimu aho viyagevuzike.

Waebulania 4:11

Avo tuwambeni kwingila hanhu ha kubwihila, ili sikuyalawilile munhu yoyose kumwenu yonda yaleme kutegeleza kamba viwatendile wao.

Yuda 1:15

kuwatagusa wanhu wose na kuwakoboza wanhu wose iwolema kumtegeleza kwa sang'hano zao zihile ziwatendile bila kumgesa Imulungu, na kwa mbuli ya ulonzi wao wose wihile wamulongile heyo!”

Yuda 1:7

Vivija kumbukeni Sodoma na Gomola, na mabuga geli mmabehi, watenda ugoni na kuihindula wenyego. Wabanangwa kwa moto haufaga kamba kilaguso kwa wanhu wayagwe.