2 Petulo 1:7 - Biblia Kikutu

⁷ na mna ukutenda ga Imulungu yongezeni moyo unogile kwa waenu wamtogole Yesu na mna umoyo unogile kwa waenu wamtogole Yesu yongezenu unogelwa.

2 Petulo 1:7 ပူးပေါင်းရင်းမြစ်များ

Walumi 12:10

Mwiinogele ng'hani kamba ndugu, kila munhu tanhu yamgese miyage kubanza mwenyego.

Wagalatia 6:10

Avo twahawa tung'hali tuna kipindi, tuwatendele ganogile wanhu wose, ng'hani ng'hani waetu wamtogole Mndewa.

Wakolosai 3:14

Mna igano gose mwengeze unogelwa, kwavija unogelwa ovitenda vinhu vose vino kuilumba goya hamoja.

1 Wasesalonike 3:12

Mndewa yawatende muinogele ng'hani na unogelwa wenu kwa wanhu wose ongezeke ng'hani, kamba siye vituwanogela mweye.

1 Wasesalonike 5:15

Loleni munhu yoyose sikuyamulihe miyage gehile kwa gehile, lakini kipindi chose muwambe kuitendela ganogile mweye kwa mweye na kwa wanhu wose.

Waebulania 13:1

Gendeleleni kuinogela kamba viilondigwa kwa wanhu wamtogole Yesu.

1 Petulo 1:22

Na sambi mweye kwa kuugoga ukweli musunhigwa, na muwanogela kwa ukweli ndugu zenu, avo muinogele kwa mizoyo yenu yose.

1 Petulo 2:17

Mtegelezeni kila munhu na wanogeleni waenu wamtogole Yesu na mdumbeni Imulungu na mtegelezeni mkulu wa isi.

1 Petulo 3:8

Kukimambukizo, mweye mose muwe na moyo umoja na mugese dimoja, molondigwa muinogele kamba ndugu, muyonele bazi na muitonge wenyego.

1 Yohana 3:14

Siye tojuwa kamba tumala kulawa mwiiifa na twingila muugima, kwavija towanogela ndugu zetu. Munhu yoyose yelibule unogelwa kosigala mkufa.

1 Yohana 3:16

Vino avo vitujuwa unogelwa viwili, Kilisito kaulava ugima wake mbuli ya siye. Vivija na siye tuulave ugima wetu mbuli ya ndugu zetu!

1 Yohana 4:21

Kilisito katugwelela lagizo dino, munhu yoyose yomnogela Imulungu vivija yamnogele ndugu yake.