1 Yohana 5:6 - Biblia Kikutu

⁶ Yesu Kilisito ayo yezile kwa mazi na kwa damu ya kufa kwake. Hezile kwa mazi gaiyeka ila keza kwa mazi na kwa damu. Nayo Loho kolonga kweli, kwavija Loho awo ukweli.

1 Yohana 5:6 ပူးပေါင်းရင်းမြစ်များ

Walawi 17:11

Kwavija ugima wa kiumbe chochose wa mwiidamu na niwalagiza mulave damu muupango wa nhosa kutenda loholo da nzambi mbuli ya ugima wenu, kwavija damu ayo ilohola nzambi kwa ugima wa wanhu.

Matayo 26:28

Ino ayo damu yangu ya lagano, ikwitika mbuli ya wengi ili nzambi zao zigeligwe kumgongo.

Matayo 3:16

Bahaja Yesu viyabatizigwe, kalawa mgamazi, ulanga ugubuka, na kamona Loho wa Imulungu kohumuluka kamba huwa na kakala uchanha yake.

Maluko 14:24

Yesu kalonga, “Ino ayo damu yangu ilagusa lagano da Imulungu, ikwitika mbuli ya wanhu wengi.

Luka 22:20

Vivija, viwamambukize kuja indiya ya ichungulo, kawagwaa kikasi, kalonga, “Kino acho kikasi cha lagano da sambi dilagusigwa kwa damu yangu, ikwitika mbuli ya mweye.

Yohana 14:17

Heyo ayo Loho Yang'alile yolagusa ukweli wa Imulungu. Wanhu wa mwiisi hawadaha kumbokela, kwavija hawamona hebu kumjuwa. Lakini mweye mumjuwa kwavija kokala na mweye na kamgati mmwenu.

Yohana 14:6

Yesu kamwidika, “Niye ayo nzila, ukweli na ugima. Kuduhu munhu yochola kwa Tata kamba habitila kumwangu.

Yohana 15:26

“Nomtuma kumwenu Mtazaji kulawa kwa Tata, Loho Yang'alile, ayo yolagusa ukweli wa Imulungu. Kowalongela ukweli mbuli ya niye,

Yohana 16:13

Loho Yang'alile yaheza, ayo yolagusa ukweli wa Imulungu, kowalongoza muujuwe ukweli wose. Honda yalonge gake mwenyego, lakini kolonga gaja gayahulike, na kowalongeleni gaja gondageze.

Yohana 3:5

Yesu kamwidika, “Nokulongela ukweli, kuduhu munhu yodaha kwingila Muundewa wa Imulungu bila kuleligwa kwa mazi na kwa Loho Yang'alile.

Yohana 4:10

Yesu kamwidika, “Maza ujuwile choolava Imulungu, na maza ujuwile nani yokupula mazi ga kung'wa, wahampulile, nayo yahakugwelele mazi gogala ugima.”

Yohana 4:14

lakini munhu yoyose yong'wa mazi gonda nimgwelele, honda yone ng'hilu kabili. Mazi gonda nimgwelele niye gokuwa nzasa ya mazi gogala ugima wa milele mgati mmwake.”

Yohana 6:55

Kwavija lukuli lwangu ayo ndiya ya kweli, na damu yangu acho king'waji cha kweli.

Sang'hano 8:36

Viwakalile ogendelela na mwanza, wavika hanhu hakalile na mazi, mkulu ayo kalonga, “Hano hana mazi. Kinhu gani kingomesa ndeke kubatizigwa?”

Walumi 3:25

Imulungu kamulava Yesu ili kwa damu yake, yazigele kumgongo nzambi za wanhu kwa kumtamanila heyo. Katenda avo kulagusa viyotenda ganogile kwa wanhu, kwavija baho umwaka kafunga umoyo na hawataguse bule.

Waefeso 1:7

Kwavija kwa damu ya Kilisito siye tolekesigwa, nzambi zetu zogeligwa kumgongo kwa ukulu wa ng'hekewa ya Imulungu,

Wakolosai 1:4

kwavija tuhulika vimumtamanila Yesu Kilisito na tuhulika unogelwa wenu mulinao kwa wanhu wose wa Imulungu.

1 Timoseo 3:16

Kuduhu shaka mbuli ya vinhu vifisigwe va kutamanila kwetu. Koneka mulukuli lwa kiunhu, kalagusigwa na Loho Yang'alile kuwa kotenda ganogile, koneka na wasenga wa kuulanga. Mbuli zake zipetigwa mziisi zose, katogoligwa mwiisi yose, kagaligwa kuulanga.

Tito 3:5

katukombola, siyo kwavija tusang'hana mbuli zinogile lakini kwa mbuli ya bazi jake. Na kubitila Loho Yang'alile, yotutenda tuvumbuke sambi na ugima wa sambi kwa kutusunha kwa mazi.

Waebulania 10:29

Vino, yokuwa vilihi wanhu waja ombezeli Mwana wa Imulungu? Munhu iyogesa kamba kinhu kidodo damu ya lagano da Imulungu isunhile nzambi zake, munhu yomulonga vihile Loho wa Imulungu yotugwaa ng'hekewa. Geseni nhaguso yonda yaipate munhu ayo yobanza ukwiha!

Waebulania 12:24

Muvika kwa Yesu yogala kuilumba kwa lagano da sambi na damu yake imizigwe na ilonga mbuli zinogile ng'hani kubanza damu ija ya Habili.

Waebulania 13:20

Nompula Imulungu yotugwaa tindiwalo, ayo yamzilibule kwa wafile Mndewa wetu Yesu Kilisito msusilaji mkulu wa ng'hondolo, kwa damu yake ilagusa lagano da milele.

Waebulania 9:14

Lakini, Kilisito kailava mwenyego kwa Imulungu kamba nhosa inogile kwa nguvu ya Loho wa Imulungu yokala siku zose. Avo, damu yake yosunha mizoyo yetu vinogile ng'hani na kututenda tumsang'hanile Imulungu yeli mgima.

Waebulania 9:7

lakini Mulava nhosa Mkulu yaiyeka iyo yokwingila mdigati da kabili, na kotenda vino mwanza umoja muumwaka. Nayo kalondigwa kusola damu na kumulavila Imulungu kwa nzambi zake na kwa nzambi za wanhu wose ziwatendile bila kujuwa.

1 Petulo 1:2

Toka mwaka Imulungu Tata kajuwa na kawasagula mweye, na kawatenda mung'ale kwa Loho wake, kubitila kumtegeleza kwenu Yesu Kilisito na kawasunha kwa damu yake. Imulungu yawagwee ng'hani ng'hekewa na tindiwalo.

1 Petulo 3:21

Na mazi gago sambi golagusa ubatizo, awo uwakombola. Siyo kwa kusunha dikwe da lukuli lakini lagano kwa Imulungu ditendigwa kwa moyo unogile kumwake. Ubatizo owakombola kwa kuzilibuka kwa Yesu Kilisito,

1 Yohana 1:7

Lakini kamba tokala mna umulenge kamba heyo viyali mulenge, toilumba siye kwa siye, na damu ya mwanage, Yesu yotusunha nzambi zetu zose.

1 Yohana 4:10

Unogelwa wa kweli uwo uno, siyo kamba siye tumnogela Imulungu lakini heyo katunogela siye na kamtuma Mwanage kamba nhosa ya kusegesa nzambi zetu.

Ugubulo 1:5

na kulawa kwa Yesu Kilisito yotamaniligwa, yogubula ukweli wa mbuli ya Imulungu, yeli wa ichanduso kuzilibuka kwa wafile, vivija ayo yowatawala wandewa wa mwiisi. Yesu kotunogela, na kwa damu yake katulekesa na nzambi,

Ugubulo 5:9

Wemba lwila lwa sambi, “Kofaya kukisola ikitabu na kuzibandula zifundo zake za uhota. Kwavija kukala uchinjigwe, na kwa damu yako kumgulila wanhu Imulungu, kulawa kila kabila na ulonzi na isi na lukolo.

Ugubulo 7:14

Niye nimwidika, “Go mkulu, gweye kujuwa.” Nayo kanongela, “Wano awo wahonyeke mna gamagayo makulu. Wavifuwa viwalo vao kwa damu ya Mwanang'hondolo, viwa vizelu chuwee.