1 Yohana 3:2 - Biblia Kikutu

² Ndugu zangu, sambi twa wana wa Imulungu, na hatujuwa vondatuwe. Lakini tojuwa Kilisito yahabwela toigala nayo, kwavija tomona kamba viyali.

1 Yohana 3:2 ပူးပေါင်းရင်းမြစ်များ

Zabuli 16:11

Konilagusila nzila ya ugima, kuulongozi wako kuna deng'ho, na mumkono wako wa ukudila kuna ganogile gakalaga milele.

Zabuli 17:15

Lakini niye nokilola kihanga chako mna ihaki, nahalamuka nokwiguta kihanga chako.

Zabuli 31:19

Lola unogelo wako viwili mkulu, kuwekila iwanhu okudumba gweye, kutenda avo mbuli ya wose okukimbilila gweye, mgameso ga iwanhu wose.

Matayo 5:8

Wamweda wanhu waja wailavile kwa Imulungu kwa mizoyo yao yose, kwavija omona Imulungu!

Luka 17:30

Vivo vonda iwe mwiisiku Mwana wa Munhu vonda yagubuligwe.

Luka 20:36

Oigala na wasenga wa kuulanga, na hondawafe bule. Wao ni wana wa Imulungu kwavija wazilibuka kulawa kwa wafile.

Yohana 1:12

Lakini waja wambokele na kumtogola, Imulungu kawatogolela kuwa wanage.

Yohana 11:52

na siyo kwa Wayahudi waiyeka, lakini vivija kuwagala hamoja wanhu wa Imulungu wapwililike wawe wamoja.

Yohana 17:24

“Tata, kunigwaa wao. Nolonda wao wakale hamoja na niye aho hanili, ili wawone ukulu wangu. Uno awo ukulu uunigwelele kwavija kuninogela isi ing'hali hainalumbigwa.

Walumi 8:16

Nayo Loho mwenyego kolagusa hamoja na loho zetu kuwa siye twa wana wa Imulungu.

Walumi 8:18

Kwavija nojuwa magayo ga kipindi kino hagabanzile ukulu uja onda ugubuligwe kumwetu.

Walumi 8:19

Vinhu vose viumbigwe vobetela kwa kusulukila ng'hani, Imulungu vonda yalaguse welihi wao wanage.

Walumi 8:29

Kwavija wanhu yawajuwile Imulungu toka mwaka, awo yawabagule waigale na Mwanage, ili Imwana yawe mwana wa chaudele mulukolo lukulu.

1 Wakolinto 13:12

Kitona sambi kamba lumvuye mvuye mna ikiyoo, lakini aho kumwande tokona meso kwa meso. Sambi nojuwa hadodo, aho kumwande nojuwa goya, kamba vija Imulungu viyanjuwile niye.

1 Wakolinto 15:49

Kamba vija vituigalile na heyo yaumbigwe kwa udongo, vivo vonda tuigale na heyo yalawile kuulanga.

1 Wakolinto 2:9

Lakini Maandiko golonga, “Mbuli zija hazinakoneka na munhu hebu kuhulikigwa, mbuli hazinagesigwa mmizoyo ya wanhu, mbuli azo Imulungu kawekila wanhu omnogela.”

2 Wakolinto 3:18

Avo siye wose, vihanga vetu havigubikigwe tuigala na kiyoo kulagusa ukulu wa Mndewa. Togalusigwa tuigale ng'hani na tuvike muukulu ng'hani. Ino ayo sang'hano ya Loho wa Mndewa.

2 Wakolinto 4:17

Magazo gotupata gabuha na gokala kwa kipindi kidodo, lakini gotugalila ukulu wa milele kubanza gago gamagazo.

Wagalatia 3:26

Kwa kumtamanila Yesu Kilisito mweye mose mwa wana wa Imulungu.

Wagalatia 4:6

Kwavija mweye mwa wanage, Imulungu kamtuma Loho wa Mwanage mmizoyo yenu, Loho ayo yokemelela, “Aba, fambulo jake Tata.”

Wafilipi 3:21

Kozigalusa ng'huli zetu zinyolila na kuzitenda ziigale na lukuli lwake lwa ukulu. Kotenda avo kwa nguvu yake yakutawala vinhu vose.

Wakolosai 3:4

Kilisito ayo ugima wenu na yahalawilila na mweye vivija molawilila hamoja nayo muukulu wake.

Waebulania 9:28

vivo ili vivija kwa Kilisito kalavigwa nhosa mwanza umoja kusegesa nzambi za wanhu wengi. Kolawilila mwanza wa kabili, hasang'hanila nzambi, ila kuwakombola wanhu waja ombeta kwa kusulukila.

2 Petulo 1:4

Avo katugwaa nhunza zinogile ng'hani ziyatulongele kotugwaa, ili kwa nhunza zizo muwe na moyo kamba wake, na sikumukale kwa kusulukila gehile geli mwiisi.

1 Yohana 2:28

Na sambi mweye wana, gendeleleni kukala mgati mmwake, ili mna isiku yaheza sikutudumbe na sikutukone kinyala mgameso gake.

1 Yohana 2:7

Ndugu zangu, siwandikila lagizo da sambi lakini lagizo didija dimukalile najo toka ichanduso. Lagizo dijo da umwaka uwo uja uusenga umuhulike.

1 Yohana 3:1

Loleni, Tata viyatunogele ng'hani, mbaka tokemigwa wana wa Imulungu! Ona vivo vitwili. Lekaavo wanhu wa mwiisi hawatujuwile siye, kwavija hawamjuwile heyo.

1 Yohana 3:10

Vino avo vituwajuwa wana wa Imulungu na wana wa Mwenembago, munhu yoyose hatenda gaja gomnogela Imulungu hebu hamnogela ndugu yake, munhu ayo hali mwana wa Imulungu.

1 Yohana 3:21

Ndugu zangu, kamba mizoyo yetu haitutagusa, todaha kugangamala mgameso ga Imulungu.

1 Yohana 5:1

Munhu yoyose yotogola kamba Yesu ayo Kilisito munhu ayo mwana wa Imulungu. Munhu yomnogela tata munhu, vivija komnogela na imwana.

Ugubulo 2:28

Udahi unimgwaa munhu ayo awo udahi uuja unigweleligwe na Tatangu na niye nomgwaa tondo ng'andu.

Ugubulo 22:4

Ochona kihanga chake, na twaga jake dokuwa mvihanga vao.