1 Yohana 3:1 - Biblia Kikutu

¹ Loleni, Tata viyatunogele ng'hani, mbaka tokemigwa wana wa Imulungu! Ona vivo vitwili. Lekaavo wanhu wa mwiisi hawatujuwile siye, kwavija hawamjuwile heyo.

1 Yohana 3:1 ပူးပေါင်းရင်းမြစ်များ

2 Samweli 7:19

Mbuli ino ikala ndodo mgameso gako, Go Mkulu Mndewa Imulungu, kulonga mbuli ya siku zikwiza za ng'anda ya msang'hanaji wako, kumbe vivo utendaga kwa iwanhu, go Mndewa Imulungu wangu!

Zabuli 31:19

Lola unogelo wako viwili mkulu, kuwekila iwanhu okudumba gweye, kutenda avo mbuli ya wose okukimbilila gweye, mgameso ga iwanhu wose.

Luka 20:36

Oigala na wasenga wa kuulanga, na hondawafe bule. Wao ni wana wa Imulungu kwavija wazilibuka kulawa kwa wafile.

Yohana 1:12

Lakini waja wambokele na kumtogola, Imulungu kawatogolela kuwa wanage.

Yohana 11:52

na siyo kwa Wayahudi waiyeka, lakini vivija kuwagala hamoja wanhu wa Imulungu wapwililike wawe wamoja.

Yohana 15:21

Owatendela mweye gano gose kwavija mwa wanhu zangu, na kwavija hawamjuwile ayo yanhumile.

Yohana 16:3

Wanhu owatendela gano gose kwavija hawamjuwile Tata hebu niye.

Yohana 17:25

Tata Unogile, wanhu wa mwiisi hawakujuwile, lakini niye nikujuwa, na wano ojuwa kamba kunhuma.

Yohana 3:16

Avo, Imulungu kawanogela wanhu wa mwiisi mbaka kamulava Mwanage yeli yaiyeka, ili munhu yoyose yonda yamtogole sikuyapotele lakini yawe na ugima wa milele.

Walumi 5:8

Lakini Imulungu katulagusila vija viyotunogela kwavija vitukalile tung'hali totenda nzambi Kilisito kafa mbuli yetu siye!

Walumi 8:19

Vinhu vose viumbigwe vobetela kwa kusulukila ng'hani, Imulungu vonda yalaguse welihi wao wanage.

Walumi 8:21

kuwa vinhu viumbigwe hana siku volekesigwa muutumwa wa kunangika na vokwingila muukulu wa kubwihila wa wana wa Imulungu.

Walumi 8:32

Imulungu hamonele bazi hata Mwanage mwenyego, lakini kamulava mbuli ya siye wose! Kamba katugwaa Mwanage, vino vivija honda yatugwee bule vinhu vose?

2 Wakolinto 6:18

Nokuwa Tataenu, na mweye mokuwa wanangu wa kimbigalo na wa kitwanzi, kolonga Mndewa yeli na Udahi wose.”

Wagalatia 3:26

Kwa kumtamanila Yesu Kilisito mweye mose mwa wana wa Imulungu.

Wagalatia 3:29

Kamba mweye mwa wanhu wa Kilisito, baho mwa wanhu wa lukolo lwa Abulahamu, na mubokela kija kiyalongile Imulungu.

Kumbukumbu 14:1

“Mweye mwa wana wa Mndewa Imulungu, Imulungu wenu, avo sikumuichanje hebu kubea mapala genu mbuli ya kumulilila munhu yafile.

Wakolosai 3:3

Kwavija mweye mufa na ugima wenu ufisigwa hamoja na Kilisito mgati mwa Imulungu.

1 Yohana 3:10

Vino avo vituwajuwa wana wa Imulungu na wana wa Mwenembago, munhu yoyose hatenda gaja gomnogela Imulungu hebu hamnogela ndugu yake, munhu ayo hali mwana wa Imulungu.

1 Yohana 3:2

Ndugu zangu, sambi twa wana wa Imulungu, na hatujuwa vondatuwe. Lakini tojuwa Kilisito yahabwela toigala nayo, kwavija tomona kamba viyali.

1 Yohana 4:17

Tuwe kamba Kilisito na tukale ugima wa kuwanogela wayagwe mwiisi ino na unogelwa utelela mgati yetu na honda tudumbe mdisiku Imulungu vonda yawataguse wanhu wose.

Ugubulo 21:7

Munhu yonda yahume kopata vinhu avo vose, na niye nokuwa Imulungu wake, nayo kokuwa mwanangu.