1 Yohana 2:16 - Biblia Kikutu

¹⁶ Kwavija vinhu vose vili mwiisi ino, kusulukila kwa lukuli, vinhu visulukiligwa na meso ga wanhu, kuitapa kwa munhu kwa kija kiyali nacho na kija kiyotenda, havilawa kwa Tata, ila volawa mwiisi ino.

1 Yohana 2:16 ပူးပေါင်းရင်းမြစ်များ

Mwanduso 3:6

Mtwanzi ayo viyonile matunda ga biki dijo viganogile kudigwa, na dibiki vidinogeza mgameso na kagelegeza vivinogile kuwa na nzewele, avo kakondola tunda kadija, diyagwe kamgwaa mkasano wake, na heyo vivija kadija.

Mwanduso 6:2

viumbe wayagwe wa kuulanga wawona wandele awo wanoga, avo wawasola waja wawalondile na kuwa wehe zao.

Zabuli 73:6

Avo kuitapa kwao kamba mkufu wao msingo, kubezeli kamba kiwalo chao.

Zabuli 78:18

Wamgeza Imulungu giladi, walonda ndiya waisulukile wenyego.

Zabuli 78:30

Wang'hali hawana mambukiza kuja acho kiwasulukile, ndiya viikalile ing'hali mmulomo,

Nongezi 27:20

Kuzimu na Kuubananzi haviguta, vivo viili kwa meso ga munhu hageguta.

Nongezi 6:25

Sikuumsulukile mtwanzi ayo kwa kunoga kwake, na sikuutogole kunamatwa mzing'humbitu za meso gake.

Kupetigwa 11:34

Avo hanhu aho hakemigwa Kibiloti Hataava, kwavija hanhu aho, aho kuwazikigwe iwanhu wakalile wamelo.

Kupetigwa 11:4

Mna iwanhu wa Izilaeli kukala na wanhu wayagwe wakala osulukila ng'hani kuja nyama. Avo Waizilaeli wasonga kulila olonga, “Maza tupate nyama tuje!

Matayo 4:8

Abaho Mwenembago kamsola Yesu mbaka uchanha ng'hani kulugongo lutali na kamulagusila undewa wa mwiisi yose na unovu wake.

Matayo 5:28

Lakini niye nowalongela, munhu yoyose yonda yamulole mtwanzi kwa kumsulukila, munhu ayo katenda ugoni na mtwanzi ayo muumoyo wake.

Luka 4:5

Abaho Mwenembago kamsola Yesu mbaka uchanha ng'hani, kamulagusila undewa wose wa mwiisi kwa mwanza umoja.

Walumi 13:14

Lakini muilumbe na Mndewa Yesu Kilisito, sikumugese kukweleleza vizilonda ng'huli zenu.

1 Wakolinto 10:6

Lelo, mbuli zose zino ziwe kinhu cha kuifunzila, kutuzuma siye sikutusulukile gehile, kamba viwatendile wao.

Wagalatia 5:17

Kwavija viulonda usulukilo wihile uli mgati mmwenu hakuitogolela na vija viyolonda Loho wa Imulungu, na vija viyolonda Loho wa Imulungu hakuitogolela na vija viulonda usulukilo wihile uli mgati mmwenu. Vinhu vino vibili haviilumba bule, avo hamudaha kutenda kinhu chochose kimulonda wenyego.

Wagalatia 5:24

Wanhu wose wailumbile na Yesu Kilisito wauwamba unhu wao wa nzambi uli na usulukilo wihile na magesa gehile.

Waefeso 2:3

Na siye wose tukala kamba wao, na tukala kwa kukweleleza usulukilo wihile uli mgati mmwetu, na tusang'hana mbuli zija zinogeligwe na ng'huli zetu na nzewele zetu. Kamba vitukalile, kamba viweli wanhu wayagwe, tumgevuza Imulungu na tulondigwa kutaguswa.

Tito 2:12

Ng'hekewa ino yotufunza tuleme mbuli hazimnogelaga Imulungu na kusulukila vinhu va mwiisi ino, lakini tuilongoze wenyego, tukale ugima wa kumnogela Imulungu mwiisi ino ya sambi,

Tito 3:3

Aho umwaka siye tukala wabozi, tuleka kutegeleza, tuviziligwa na tukala watumwa wa kusulukila vinhu vitulondile, tukala kwa gehile na migongo, wanhu watwihila na siye tuwehila.

Yakobo 3:15

Nzewele kamba ayo hailawa kuulanga, ila yolawa mwiisi na ya wanhu na vinyamkela.

Yakobo 4:16

Lakini sambi moitapa na kuigoda, kuitapa kamba kuko hakunogile bule.

Yoshua 7:21

vinyonile kiwalo kinogile mna ivinhu avo kulawa ako Shinali, na sente magana mabili na kibimhi cha zahabu kili na uzito wa nusu kilo, nivisulukila na nivisola. Nivifisa nivihimbila hasi ya kibanda changu na zisente za hasi ya ivinhu avo.”

1 Petulo 1:14

Muwe wana mumtegeleza Imulungu, sikumukale kwa kusulukila vihile kumukalile nako baho umwaka vimukalile hamujuwile ukweli mbuli ya Imulungu.

1 Petulo 2:11

Mbwiga zangu nowapula kamba wabita nzila na wanhu baki hano mwiisi, lekeni kusulukila vihile kwa lukuli ako kugomba siku zose na loho zenu.

2 Petulo 2:10

Ng'hani ng'hani wanhu waja okweleleza vizisulukila ng'huli zao na oubeza udahi wa Imulungu. Wanhu awo wavizi na oitapa, hawadumba kuviliga vinhu ving'ala viumbigwe vili ako kuulanga.

2 Petulo 2:18

Olonga mbuli za kuitapa na za kibozi, kwa kusulukila kwihile kwa ng'huli, owahonza wanhu waja wasongile kuinega na waja okala kwa kutenda gehile.