1 Yohana 2:1 - Biblia Kikutu

¹ Wanangu niwanogela, nowandikila mbuli zino ili sikumutende nzambi. Lakini kamba munhu yoyose katenda nzambi, tunayo imoja yolonga kwa Tata mbuli yetu, nayo ayo Yesu Kilisito, ija yelibule kitala chochose.

1 Yohana 2:1 ပူးပေါင်းရင်းမြစ်များ

Zabuli 4:4

Gwaeni kwa bwembwe na sikumutende nzambi, mkale mvisazi venu na mugelegeze mmizoyo yenu.

Luka 10:22

“Tatangu kanigwaa vinhu vose. Kuduhu munhu yamjuwile Mwana ila Tata yaiyeka, na kuduhu munhu yamjuwile Tata ila Mwana na waja wose Mwana yawasagule kuwagubulila wamjuwe Tata.”

Yohana 10:15

kamba Tata viyonjuwa niye, na niye vinimjuwa Tata. Na niye nodaha kufa mbuli ya hewo.

Yohana 13:33

Wanangu, nokala na mweye kipindi kidodo. Monizahila, lakini nowalongeleni gaja ganiwalongele wakulu wa Wayahudi, ‘Hamudaha kuchola kuja kunyhola.’

Yohana 14:16

Nompula Tata, nayo kowagwaa Mtazaji iyagwe, kokala na mweye siku zose.

Yohana 14:6

Yesu kamwidika, “Niye ayo nzila, ukweli na ugima. Kuduhu munhu yochola kwa Tata kamba habitila kumwangu.

Yohana 21:5

Abaho Yesu kawauza, “Mbwiga zangu, vino hampatile kinhu chochose?” Wamwidika, “Ona, hatupatile chochose.”

Yohana 5:14

Abaho, Yesu kamvika munhu ayo yamuhonyile Mwiing'anda ya Imulungu. Kamulongela, “Tegeleza, gweye sambi kuhona. Sikuutende nzambi kabili, ili sikugakupate gehile kubanza gano.”

Yohana 5:36

Lakini niye mwenyego ninao usindila mkulu kubanza wa Yohana, kija kinhenda acho kiyanigwelele Tatangu nikitende, gano gose golagusa kamba Tata ayo yanhumile.

Yohana 6:27

Sikumuisang'hanile ndiya inangika, lakini muisang'hanile ndiya igala ugima wa milele. Ino ayo ndiya yonda yawagwee Mwana wa Munhu, kwavija Imulungu Tata kamsagula.”

Yohana 8:11

Mtwanzi ija kalonga, “Go mkulu, kahaduhu.” Yesu kalonga, “Vinoga. Na niye vivija sikutagusa. Genda lakini sikuutende nzambi kabili.”

Sang'hano 7:52

Vino hana mtula ndagu yoyose wa Imulungu wahenga zenu wamulekile kumdununza? Wawakoma wasenga wa Imulungu wao kulawa umwaka walongile kwiza kwa Msang'hanaji wake Yanogile. Na sambi mumuhinduka na kumkoma.

Walumi 5:10

Vitukalile tuihila na Imulungu, tuilumba nayo kubitila ifa ya mwanage. Sambi tuilumba na Imulungu, yokuwa vinoga ng'hani na kweli tokomboligwa kwa ugima wa Kilisito.

Walumi 6:15

Vino tulonge choni? Tutende nzambi kabili, kwavija hatulongozigwa na Malagizo lakini tolongozigwa na ng'hekewa ya Imulungu? Bule!

Walumi 8:34

Vino nani yonda yawataguse kuwa wabananga? Kuduhu! Kwavija Yesu Kilisito kafa, abaho kazilibuka kwa wafile, sambi kokala muukulu mwambu wa mkono wa kudila wa Imulungu, nayo ayo yotupulila kwa Imulungu.

1 Wakolinto 15:34

Muwe na nzewele na muleke kutenda nzambi, kwavija wanhu wayagwe kumwenu hawamjuwile Imulungu, na nolonga vino kuwagela kinyala.

2 Wakolinto 5:21

Imulungu kamtenda ija yelibule nzambi yasole nzambi zetu, ili kubitila heyo Imulungu yatutende tunoge mgameso gake.

Wagalatia 4:19

Wanangu! Kamba vija mtwanzi viyogaya kipindi cha kulela mwana, na niye nowagaiya mbaka Kilisito vonda yalumbigwe mgati mmwenu.

Waefeso 2:18

Avo kubitila Kilisito siye wose, Wayahudi na wanhu haweli Wayahudi, todaha kumcholela Tata kwa Loho imoja Yang'alile.

Waefeso 4:26

Mwahagevuzika, sikumutogole kugevuzika kwenu kuwatende mutende nzambi, na sikumukale na ng'hasiliki kutwa ngima.

1 Timoseo 2:5

Kwavija hana Imulungu imoja na hana imoja yotenda Imulungu na wanhu wailumbe, munhu ayo Yesu Kilisito,

1 Timoseo 3:14

Vinikwandika baluwa ino, nogesa kwiza kumwako sambi baha.

Waebulania 9:24

Kwavija Kilisito hengile Mdigati Ding'alile dizengigwe na wanhu, dili kilaguso cha kija chenyego kili kuulanga lakini kengila kuulanga kwenyego, ako sambi ka haulongozi ha Imulungu kokoneka mbuli ya siye.

Yakobo 1:27

Kutambika kunogile na hakufitile mgameso ga Imulungu Tata uko kuno, kuwataza wana iwakiwa na kuwataza wagane mmagayo gao na kuilolesa mwenyego sikuunangigwe na mbuli za mwiisi ino.

Yakobo 3:9

Kwa lulimi tomgwaa nhogolwa Mndewa Tataetu na vivija kwa lulimi towaduwila wanhu, waumbigwe kwa kuigala na Imulungu.

1 Petulo 2:22

Heyo hatendile nzambi na halongile mbuli yoyose ya uvizi.

1 Petulo 3:18

Kwavija Kilisito kafa mwanza umoja kwa nzambi za wanhu wose, munhu yotenda ganogile kwa wanhu otenda gehile ili yawagale mweye kwa Imulungu. Kafa kilukuli lakini katendigwa mgima kwa udahi wa Loho Yang'alile,

1 Yohana 3:18

Wanangu, unogelwa wetu sikuuwe kwa mulomo wiiyeka, ila uwe unogelwa wa kweli na ulagusigwe kwa kusang'hana.

1 Yohana 3:5

Mojuwa kamba Kilisito keza kuzisegesa nzambi zetu, na mgati mmwake mduhu nzambi yoyose.

1 Yohana 3:7

Avo wanangu, sikumutogole kuviziligwa na munhu yoyose. Munhu yotenda gaja galondigwa na Imulungu komnogeza heyo kamba vija Kilisito viyamnogeze heyo.

1 Yohana 4:4

Wanangu, lakini mweye mwa wana wa Imulungu na muwahuma watula ndagu wa uvizi, kwavija ija yokala mgati mmwenu kana nguvu kubanza ija yeli mwiisi.

1 Yohana 5:17

Ubananzi wowose wihile mgameso ga Imulungu ni nzambi, lakini kuna nzambi haimgala munhu mwiiifa.

1 Yohana 5:21

Wanangu, muiteganye sikumuvitambikile vinyago.

3 Yohana 1:4

Nobanza ng'hani kudeng'helela kuhulika kamba wanangu okala mna ikweli.