1 Wakolinto 8:3 - Biblia Kikutu

³ Lakini munhu yomnogela Imulungu, kojuwigwa na Imulungu.

1 Wakolinto 8:3 ပူးပေါင်းရင်းမြစ်များ

Zabuli 1:6

kwavija Mndewa Imulungu koijuwa inzila ya iwanhu wanogile, lakini inzila ya iwanhu wehile yohelela mkupotela.

Zabuli 17:3

Gweye kuujuwa moyo wangu, kunizila ikilo kunilola, kunigeza na hugonile gehile mgati yangu, silongile giladi gehile mmulomo wangu.

Kulawa 33:12

Musa kamulongela Mndewa Imulungu, “Gweye kunilongela niwalongoze wanhu wano, lakini hunilongele nani yonda umtume yanitaze. Gweye kunongela, ‘Nokujuwa gweye kwa twaga jako na nokunogela.’

Kulawa 33:17

Mndewa Imulungu kamulongela Musa, “Notenda vivo kamba viulongile, kwavija nokunogela na nikujuwa kwa twaga jako.”

Matayo 7:23

Abaho nowalongela, ‘Ka, mweye siwajuwile bule. Segeleni kumwangu, mweye wanhu mutenda gehile!’

Yohana 10:14

Niye ayo msusilaji yanogile. Niwajuwa ng'hondolo zangu na hewo onijuwa niye,

Yohana 21:17

Mwanza wa kadatu Yesu kamuuza, “Simoni mwanage Yohana, gweye koninogela?” Petulo kona usungu kwavija Yesu kamuuza mwanza wa kadatu, “Koninogela?” Avo kamulongela, “Mndewa, gweye kojuwa kila kinhu, kojuwa niye nokunogela!” Yesu kamulongela, “Wadime ng'hondolo zangu.

Walumi 11:2

Imulungu hawalemile bule wanhu zake, yawasagule toka mwaka. Vino hamujuwile bule Maandiko Gang'alile vigalonga mbuli ya Eliya viyamuyalalile Imulungu mbuli ya wanhu wa Izilaeli?

1 Wakolinto 13:12

Kitona sambi kamba lumvuye mvuye mna ikiyoo, lakini aho kumwande tokona meso kwa meso. Sambi nojuwa hadodo, aho kumwande nojuwa goya, kamba vija Imulungu viyanjuwile niye.

1 Wakolinto 2:9

Lakini Maandiko golonga, “Mbuli zija hazinakoneka na munhu hebu kuhulikigwa, mbuli hazinagesigwa mmizoyo ya wanhu, mbuli azo Imulungu kawekila wanhu omnogela.”

Wagalatia 4:9

Lakini sambi mumjuwa Imulungu, hebu nonge mujuwigwa na Imulungu, habali mozibwelela loho za ukiwa zilibule nguvu na molonda kuwa watumwa wao kabili?

2 Timoseo 2:19

Lakini ukweli wa Imulungu wima goya kamba chandusilo cha mabwe na uchanha zandikigwa mbuli zino, “Mndewa kawajuwa wanhu wake,” na “Kila munhu yolonga heyo wa Mndewa yaleke gehile.”

Yakobo 1:12

Kamweda munhu ija yofunga umoyo kipindi yahagezigwa, kwavija yahagangamala kobokela fungu da ugima uyalongile Imulungu kowagwaa wanhu omnogela.

Yakobo 2:5

Ndugu zangu niwanogela, tegelezeni! Imulungu kawasagula wanhu okoneka wakiwa mwiisi ili wawe wagoli mditamanilo na wengile muundewa uja uyawalongele kowagwaa wanhu omnogela.

1 Petulo 1:8

Hamoja hamnamona lakini momnogela na vivija momtogola hamoja sambi hammona na modeng'helela kwa deng'ho kulu hadidahika kulongeka,

1 Yohana 4:19

Siye tuna unogelwa kwavija heyo kasonga kutunogela siye.

1 Yohana 4:7

Ndugu zangu, tuinogele wenyego, kwavija unogelwa olawa kwa Imulungu. Munhu yoyose yonogela ka mwana wa Imulungu, na komjuwa Imulungu.

Ugubulo 2:13

Nihajuwa hanhu aho houkala, aho kili kigoda cha undewa wa Mwenembago. Lakini gweye kwa mkweli kumwangu, hulekile bule kunitamanila hata mna ikipindi kija munhu wangu Antipasi yotamaniligwa mna ikila kiyolonga, viyakomigwe aho hakili kigoda cha Mwenembago.

Ugubulo 2:19

Nizijuwa mbuli zose ziusang'hana. Niujuwa unogelwa wako na kutamanila kwako na vija viuwataza wayagwe na kufunga umoyo kwako. Nojuwa sambi kotenda goya ng'hani kubanza aho haichanduso.

Ugubulo 2:9

Nigajuwa magazo gako, vivija niujuwa ukiwa wako, hamoja ukweli gweye kwa mgoli! Nijuwa vija viwakubezile waja oikema Wayahudi lakini siyo Wayahudi wao kibumbila cha Mwenembago!