1 Wakolinto 8:12 - Biblia Kikutu

¹² Kwavija mowatendela nzambi wakilisito waenu na kuilumiza mizoyo yao inyolile, momtendela nzambi Kilisito.

1 Wakolinto 8:12 ပူးပေါင်းရင်းမြစ်များ

Mwanduso 20:9

Abaho Abimeleki kamkema Abulahamu, kamuuza, “Gweye, kunhendela choni? Nikutenda choni mbaka kutenda toneke tubananga niye na wanhu wa undewa wangu? Kuduhu munhu yotenda viunhendele gweye.”

Mwanduso 42:22

Lubeni kawalongela, “Vino niye siwalongele bule sikutumulumize imbwanga? Lakini mweye hamunhegeleze bule! Avo sambi totagusigwa mbuli ya damu yake.”

Kulawa 16:8

Vivija Musa kawalongela, “Ichungulo Mndewa Imulungu kowagwaa nyama muje na imitondo kowagwaa magate muje mushibe, kwavija heyo kahulika kuiyalala kwenu. Siye twa kina nani mbaka mutuyalalile? Sikumutuyalalile siye, lakini muyalalileni Mndewa Imulungu.”

Kulawa 32:21

Musa kamuuza Haluni, “Wa kutenda choni wanhu wano mbaka kuwengiza mna inzambi kamba ino?”

Matayo 18:10

“Iteganyeni sikumumbeze imoja wa wadodo wano. Kwavija nowalongeleni wasenga wa kuulanga olola kihanga cha tatangu yeli kuulanga.

Matayo 18:21

Abaho Petulo kamcholela Yesu kamuuza, “Mndewa, kamba ndugu yangu yahanhendela vihile, ngele kumgongo miyanza mingapi? Mbaka miyanza saba?”

Matayo 18:6

“Munhu yoyose yonda yamuhonze imoja wa wadodo wano onitogola, yatende nzambi yokuwa vinoga munhu ayo yagodekigwe dibwe kulu da kudugila msingo na yasigwe mbahali.

Matayo 25:40

Mndewa kokwidika, ‘Nowalongela fulu ipile, chochose kimumtendele imoja wa ndugu zangu awo weli wadodo, munhendela niye!’

Matayo 25:45

Mndewa kokwidika, ‘Nowalongela fulu ipile, chochose hamumtendele imoja wa wanhu awo iwadodo, hamunhendele niye.’

Maluko 9:42

“Munhu yoyose yomuhonza imoja wa wadodo wano onitogola yatende nzambi, yokuwa vinoga munhu ayo yagodekigwe dibwe kulu da kudugila msingo na yasigwe mbahali.

Luka 17:2

Yokuwa vinoga kwa munhu ayo yagodekigwe dibwe kulu da kudugila msingo na yasigwe mbahali, kubanza kumuhonza imoja wa wadodo wano yatende nzambi.

Walumi 14:20

Sikuuibanange sang'hano ya Imulungu mbuli ya ndiya. Vose vidigwa vinoga, lakini havinogile kuja ndiya yonda imuhonze miyago yatende nzambi.

1 Wakolinto 12:12

Kamba vija lukuli lumoja viwili na maungo mengi, hata kamba maungo gago mengi, lakini gotenda lukuli lumoja, vivija vivo ili kwa Kilisito.

1 Samweli 2:25

Kamba munhu yahamtendela nzambi miyage, Imulungu kodaha kuwagombeleza, lakini kamba munhu yahamtendela nzambi Imulungu nani yodaha kumgombeleza?” Lakini wanage hawamtegeleze tatao, kwavija Mndewa Imulungu kagesa kuwakoma.

1 Samweli 24:11

Lola tatangu, ino imhindo ya kiwalo chako ili mumkono wangu, ng'hana mhindo ya kiwalo chako lakini sikukomile bule, sambi kojuwa kamba niye sili munhu nihile kumwako hebu kukulema. Niye sitendile kinhu kihile kumwako ila gweye konipelemba unikome.