1 Wakolinto 8:1 - Biblia Kikutu

¹ Sambi, kwa mbuli ya ndiya ilavigwe nhosa kwa vinyago va imilungu. Tojuwa, wose tuna ubala, na ubala awo omtenda munhu yaigode, lakini unogelwa ozenga.

1 Wakolinto 8:1 ပူးပေါင်းရင်းမြစ်များ

Kupetigwa 25:2

Watwanzi awo wawagoneka Waizilaeli mna zinhambiko zao za kuilavila nhosa imilungu yao. Waizilaeli waja ndiya yao na waitambikila imilungu ayo.

Sang'hano 15:10

Vino habali molonda kumgeza Imulungu? Vino habali molonda kuwadikwa wanahina wa Yesu mizigo mikulu? Wahenga zetu hebu siye hatudahile kuipapa.

Sang'hano 15:29

Sikumuje ndiya ilavigwe nhosa kwa vinyago va imilungu, sikumung'we damu, sikumuje nyama ya mnyama yabotigwe, muiteganye na ugoni. Motenda goya kamba mwahaleka kusang'hana mbuli zose zino. Mkale goya.”

Sang'hano 21:25

Lakini mbuli ya wanhu haweli Wayahudi weli wakilisito, tuwagalila baluwa kuwalongela vija vituitogolele kamba sikuwaje kinhu chochose kilavigwe nhosa kwa vinyago va imilungu, hebu kung'wa damu hebu kuja nyama ya mnyama yabotigwe, na sikuwatende ugoni.”

Walumi 11:25

Ndugu zangu, nolonda muijuwe mbuli ino ifisigwe, ili sikumuyone mwa wabala ng'hani, Wayahudi hawamtegeleze Imulungu kwa kipindi kidodo, mbaka wanhu haweli Wayahudi walondeke kumbwelela Imulungu wenele.

Walumi 12:16

Kaleni goya mweye kwa mweye, sikumuigode, togoleni kusang'hana na wanhu okoneka siyo kinhu. Sikumuyone muna nzewele ng'hani.

Walumi 14:10

Gweye habali umtagusa miyago? Hebu habali umbeza miyago? Kwavija hana siku tokwima mgameso ga Imulungu tutagusigwe.

Walumi 14:14

Kwavija niilumba na Mndewa Yesu, nojuwa goya vinhu vose vinoga kudigwa, lakini munhu yokona kinhu kiha kudigwa, kinhu acho kiha kumwake heyo.

Walumi 14:19

Avo tugoge ng'hani kusang'hana mbuli zigala tindiwalo na kuigangamiza.

Walumi 14:22

Gendelela kukigoga kija kiutogola mgameso ga Imulungu wako. Kamweda munhu ija hagesa muumoyo wake kamba kabananga kwa gaja goyogesa ganoga kusang'hana.

Walumi 14:3

Wanhu woja kila kinhu sikuwawabeze waja hawajaga kila kinhu. Na waja woja mbogamboga ziiyeka sikuwawataguse waja woja kila kinhu, kwavija Imulungu kawatogola.

Walumi 15:14

Ndugu zangu, niye nogesa mweye munoga ng'hani, na mna nzewele zose na modaha kuifunza wenyego.

1 Wakolinto 1:5

Kwavija mweye muilumba na Kilisito, mugweleligwa vinhu vose vinogile, mugweleligwa nzewele zose na kujuwa mbuli zose zimulonga.

1 Wakolinto 10:15

Nolonga na mweye wanhu muli na nzewele, gelegezeni wenyego gano gonilonga.

1 Wakolinto 10:28

Lakini kamba munhu kowalongela, “Ndiya ino ilavigwa nhosa kwa vinyago va imilungu,” kwa mbuli ya ayo yawalongele na kwa mbuli ya mizoyo, sikumuje.

1 Wakolinto 14:20

Ndugu zangu, sikumugese kamba wana wadodo. Kwa mbuli ya gehile mukale kamba wana ving'hele welibule vitala, lakini mugese kamba viwogesa wanhu wabala goya.

1 Wakolinto 15:34

Muwe na nzewele na muleke kutenda nzambi, kwavija wanhu wayagwe kumwenu hawamjuwile Imulungu, na nolonga vino kuwagela kinyala.

1 Wakolinto 4:10

Siye twawabozi mbuli ya Kilisito, lakini mweye mwa wabala kwa kuilumba na Kilisito! Siye tunyolila, lakini mweye mugangamala! Mweye motegelezigwa lakini siye tokwehuligwa!

1 Wakolinto 4:18

Wanhu wayagwe vimwili wasonga kuigoda, kwavija ogesa niye siza kumwenu kabili.

1 Wakolinto 4:6

Ndugu zangu, mbuli ya mweye, niye nimtenda Apolo na niye tuwe kinhu cha mweye kuifunza, avo mudahe kujuwa fambulo da ulonzi uno, “Mukweleleze vija vandikigwe.” Muladi muleke kuigodela imoja na kumbezeli iyagwe.

1 Wakolinto 5:2

Modahaze kuigoda? Maza mulondigwa munyunyuwale, na munhu yatendile kilozo acho kolondigwa yawingigwe kumwenu.

1 Wakolinto 5:6

Kuigoda kumwenu hakunogile bule! Vino hamujuwile kamba, hamila kidogo youtenda usage wose ugongomoke?

1 Wakolinto 8:2

Waja ogesa ojuwa kinhu, hawajuwa kamba viwolondigwa kujuwa.

1 Wakolinto 8:4

Avo mbuli ya kuja ndiya ilavigwe nhosa kwa vinyago va imilungu, tojuwa vinyago siyo kinhu chochose mwiisi, tojuwa Imulungu imoja yaiyeka.

1 Wakolinto 8:7

Lakini siyo kila munhu kana ubala uno. Wanhu wayagwe wakala wazowele kuvitambikila vinyago, mbaka sambi wahakala kuna ukuja ogesa woja ndiya ilavigwe nhosa kwa vinyago va imilungu, kwavija mizoyo yao yonyolila, na yofitizigwa.

Waefeso 4:16

Kwa kulongozigwa na Kilisito maungo gose ga lukuli goilumba, na lukuli lose logogelezwa kwa kutazigwa na maungo gake. Avo kila maungo gahasang'hana viilondigwa, lukuli lose lokula na kuizenga mna ukuinogela.

Wakolosai 2:18

Sikumutogole kutagusigwa na munhu yoyose yoitenda mkulu ng'hani kwa vinhu va nzozi na ayo yogangamiza uhole wa uvizi na kuwatambikila wasenga wa kuulanga. Avo vose vinhu va ubozi, kwavija nzewele zao zogesa kusulukila va mwiisi,

Ugubulo 2:14

Lakini ning'hali na mbuli ndodo kumwako, kuna wanhu kumwako okweleleza mafundizo ga Balaamu, yamfundize Balaki yawekile ng'hwalo wanhu wa Izilaeli watende nzambi kwa kuwasusumiza waje ndiya ilavigwe kwa vinyago va imilungu na watende ugoni.

Ugubulo 2:20

Lakini nina mbuli ya kukuzuma, gweye komtogolela mtwanzi ija Yezebeli, yoikema mwenyego mtula ndagu. Kwa mafundizo gake kawalongoza vihile wasang'hanaji zangu kwa kuwatenda watende ugoni na kuja ndiya ilavigwe kwa vinyago va imilungu.