1 Wakolinto 7:22 - Biblia Kikutu

²² Kwavija mtumwa yakemigwe na Mndewa kokuwa munhu yalekesigwe kwa Mndewa. Vivo ili kwa munhu yalekesigwe yakemigwe na Mndewa kokuwa mtumwa wa Kilisito.

1 Wakolinto 7:22 ပူးပေါင်းရင်းမြစ်များ

1 Petulo 2:16

Kaleni kamba wanhu walekesigwe lakini kulekesigwa kwenu sikukuwe kinhu cha kufisila nzambi zenu. Kaleni kamba wasang'hanaji wa Imulungu.

Filimoni 1:16

Na sambi heli kamba mtumwa, lakini kabanza ng'hani ya kuwa mtumwa. Kumwangu niye ndugu kwa kuilumba na Mndewa, lakini kumwako gweye kabanza ng'hani, kawa kamba ndugu kwa kuilumba na Mndewa na vivija mtumwa wako!

Wagalatia 5:13

Mweye ndugu zangu, mukemigwa ili mulekesigwe. Lakini kulekesigwa kuko sikukuwe kilamuso cha kutenda chochose kimulonda mweye wenyego, ila molondigwa muisang'hanile kwa kuinogela.

Wagalatia 5:1

Tulekesigwa kwavija Kilisito katutenda tulekesigwe! Gangamaleni na sikumutogole kuwa watumwa kabili.

Zabuli 116:16

Go Mndewa Imulungu, niye na msang'hanaji wako, niye msang'hanaji wako, mwana wa mtumwa wako, kunifungula nzabi.

Yuda 1:1

Niye Yuda, namtumwa wa Yesu Kilisito na mdodo wake Yakobo, nowandikila mweye mose mukemigwe na kunogelwa na Imulungu Tata na mwikigwa goya na Yesu Kilisito.

2 Petulo 1:1

Niye Simoni Petulo, namsang'hanaji na mtumigwa wa Yesu Kilisito, nowandikila mweye mugweleligwe tamanilo dinogile ng'hani kamba ditugweleligwe siye kubitila kunoga kwa Imulungu wetu na Mkombola wetu Yesu Kilisito.

Wakolosai 4:12

Epafulasi, miyenu na msang'hanaji wa Yesu Kilisito kowalamusa, siku zose kowapulila ng'hani kwa Imulungu, kompula Imulungu yawagangamize, mukangale na mumtogole Kilisito kwa mizoyo yenu yose na mugagoge goya gamnogele Imulungu.

Wagalatia 1:10

Vino vinongile vino nolonda kutogoligwa na wanhu? Haili vivo bule! Niye nolonda kutogoligwa na Imulungu! Vino, niye nolonda kuwanogeza wanhu? Maza nhendile vivo, sambi niwe msang'hanaji wa Kilisito.

1 Wakolinto 9:19

Niye sili mtumwa wa munhu yoyose bule, lakini niitenda mwenyego mtumwa wa kila munhu, ili mhate wanhu bwando wamtogole Kilisito.

Walumi 1:1

Niye Paulo, na mtumwa wa Yesu Kilisito na mtumigwa, nisaguligwe na ng'hemigwe ya Imulungu niwapetele wanhu Mbuli yake Inogile.

1 Wakolinto 7:21

Vino, gweye viukemigwe na Imulungu kukala mtumwa? Sikuugelegeze, lakini wahapata kipindi cha kulekesigwa, kisang'hanile.

1 Wakolinto 9:21

Vivo ili, vinisang'hane kwa waja welilbule Malagizo ga Musa, ng'hala kamba viwokala wao, ili niwapate waja welibule Malagizo ga Musa. Ino hainhenda sikunilongozigwe na Malagizo ga Imulungu, lakini nolongozigwa na Malagizo ga Kilisito.