1 Wakolinto 4:4 - Biblia Kikutu

⁴ Muumoyo wangu kuduhu kinhu kinitagusa niye, lakini mbuli ino hailagusa kuwa sibanange. Mndewa ayo wa kunitagusa niye.

1 Wakolinto 4:4 ပူးပေါင်းရင်းမြစ်များ

Zabuli 130:3

Go Mndewa Imulungu, maza gweye ugapetile gehile getu, Go Mndewa, nani yahadahile kwima kuulongozi wako?

Zabuli 143:2

Sikuumtaguse msang'hanaji wako, kwavija kuduhu munhu yokala kuno kana haki kuulongozi wako.

Zabuli 19:12

Nani yodaha kugona gehile gake mwenyego? Gagele kumgongo gehile gangu sigajuwile.

Zabuli 26:12

Niye nima wima hanhu helibule magazo, nomtogola Mndewa Imulungu mumting'hano mkulu.

Zabuli 50:6

Ulanga osimulila haki yake, kwavija Imulungu mwenyego ayo msemi.

Nongezi 21:2

Munhu kokona nzila zake zose zinoga mgameso gake, lakini Mndewa Imulungu ayo yopima gaja geli mmoyo wa munhu.

Nongezi 29:26

Wanhu wengi olonda kutegelezwa na mtawala, lakini nhaguso ya kila kinhu yolawa kwa Mndewa Imulungu.

Yohana 21:17

Mwanza wa kadatu Yesu kamuuza, “Simoni mwanage Yohana, gweye koninogela?” Petulo kona usungu kwavija Yesu kamuuza mwanza wa kadatu, “Koninogela?” Avo kamulongela, “Mndewa, gweye kojuwa kila kinhu, kojuwa niye nokunogela!” Yesu kamulongela, “Wadime ng'hondolo zangu.

Sang'hano 23:1

Paulo kawalola bunhuu wanhu wa mkitala, kalonga, “Waizilaeli wayangu! Mbaka lelo nosang'hana goyolonda Imulungu kwa moyo uleka kunitagusa kamba nibananga.”

Walumi 2:13

Kwavija siyo waja ogahulika Malagizo ga Musa, wao wanogile mgameso ga Imulungu, lakini waja otenda vigalonda Malagizo, wao onda watendigwe wanoge mgameso ga Imulungu.

Walumi 4:2

Maza Abulahamu yatendigwe kanoga mgameso ga Imulungu mbuli ya zija ziyasang'hane, yahawile na kinhu cha kuigodela, lakini siyo mgameso ga Imulungu.

1 Wakolinto 4:3

Niye sitonga bule nahatagusigwa na mweye, hebu munhu yoyose mwiisi, na wala sidaha kuitagusa mwenyego.

1 Wakolinto 4:5

Avo sikumumtaguse munhu yoyose king'hali kipindi hakinavika. Lekeni mbaka Mndewa vonda yeze, nayo kokwiza kugamwemwesela gaja gafisigwe mdiziza na kugafisula gaja gose geli mmizoyo ya wanhu. Aho kila munhu kobokela nhogolwa yake kulawa kwa Imulungu.

2 Wakolinto 1:12

Siye toigodela kinhu kimoja, mizoyo yetu yotulongela vitukala mwiisi ino, ng'hani ng'hani vituilumba na mweye, kwa kung'ala na ukweli kulawa kwa Imulungu. Tutenda vivo siyo kwa kulongozigwa na nzewele za wanhu wa mwiisi, lakini kwa ng'hekewa ya Imulungu.

2 Wakolinto 5:10

Kwavija kila munhu kokwima kuulongozi wa Kilisito yatagusigwe. Kila munhu kobokela kija kiyolondigwa, kamba vija viyasang'hane mwiisi, kamba ganoga hebu geha.