1 Wakolinto 4:10 - Biblia Kikutu

¹⁰ Siye twawabozi mbuli ya Kilisito, lakini mweye mwa wabala kwa kuilumba na Kilisito! Siye tunyolila, lakini mweye mugangamala! Mweye motegelezigwa lakini siye tokwehuligwa!

1 Wakolinto 4:10 ပူးပေါင်းရင်းမြစ်များ

Nongezi 11:12

Yombezeli miyage hagelegeza goya, lakini munhu mwene nzewele konyamala tuluu.

Matayo 24:9

“Abaho mogogigwa, modununzigwa na kukomigwa. Wanhu wa isi zose owehila mbuli ya niye.

Matayo 5:11

“Mmweda mweye muligigwa na kudununzwa na kulongigwa vihile, kwavija mwa wanahina zangu.

Luka 10:16

Yesu kawalongela wanahina zake, “Munhu yoyose yowategeleza mweye, konhegeleza niye, na yoyose yowalema mweye, kondema niye. Na munhu yoyose yondema niye, komulema ija yanhumile.”

Luka 18:9

Abaho Yesu kawalongela lusimo luno wanhu waja wakalile oitapa wanoga na kuwabeza wayagwe.

Luka 6:22

“Mmweda mweye kamba wanhu omwihilani, owalema, owaliga na kuwalonga vihile kwa mbuli ya Mwana wa Munhu!

Sang'hano 17:18

Wanhu waifunzile nzewele za Epiluko na Stoiki hawamtogolele, wayagwe walonga, “Ubozi gani oolonga munhu ino?” Wayagwe wedika, “Yokoneka kolonga mbuli ya milungu haijuwika?” Walonga avo kwavija Paulo kakala yowapetela mbuli ya Yesu na kuzilibuka.

Sang'hano 17:32

Viwamuhulike Paulo kolonga mbuli ya kuzilibuka kwa wafile, wanhu wayagwe wamzeha, lakini wayagwe walonga, “Tolonda kuihulika kabili mbuli ino.”

Sang'hano 26:24

Paulo viyakalile koigombela avo, Fesito kakemelela, “Gweye Paulo, kuna kibozi mbwelela! Kusoma kwako ng'hani kukwehula!”

Sang'hano 9:16

Niye mwenyego nomulagusila vonda yadununzike mbuli yangu.”

1 Wakolinto 1:21

Kamba viili nzewele ya Imulungu, wanhu wa mwiisi hawadaha kumjuwa heyo kubitila nzewele zao wenyego. Lakini Imulungu kanogelwa kuwakombola waja omtogola kubitila usenga awo utuwapetela na ukoneka kwa wanhu weli na nzewele kamba ubozi.

1 Wakolinto 1:23

Lakini siye tompeta Kilisito yawambigwe mumsalaba. Usenga uno owagevuza Wayahudi na kwa wanhu haweli Wayahudi okoneka ubozi.

1 Wakolinto 1:25

Kwavija kija kikoneka ubozi wa Imulungu, kina nzewele kubanza nzewele za wanhu, na kija kikoneka kunyolila kwa Imulungu, kina nguvu kubanza nguvu za wanhu.

1 Wakolinto 10:12

Avo munhu yoigesa kema goya yaiteganye sikuyagwe.

1 Wakolinto 2:14

Munhu yoyose yeliduhu Loho Yang'alile hadaha kubokela vinhu kulawa kwa Loho wa Imulungu. Wanhu wano hawazijuwa mbuli azo, kumwao zokoneka ubozi, kwavija mbuli azo zodahika kufambuligwa kwa kutazigwa na Loho Yang'alile yaiyeka.

1 Wakolinto 2:3

Avo vinizile kumwenu, ng'hala bule nguvu na nikala nodumba na kugwaya.

1 Wakolinto 3:18

Sikumwiivizile! Munhu yoyose kumwenu yogesa kana nzewele za mwiisi ino, muleke yawe mbozi, ili yawe na nzewele.

1 Wakolinto 3:2

Nilondigwa kuwagwaa maziwa mung'we, lakini si ndiya mdala, kwavija hamudahile kukija. Hata sambi hamudaha bule kukija,

1 Wakolinto 4:8

Vino, mupata vose vimulonda? Mweye mwa matajili tiyali? Mweye mwa wandewa bila siye? Ona, kamba mweye kweli mwahakuwile wandewa, avo na siye twahadahile kuwa wandewa hamoja na mweye.

2 Wakolinto 10:10

Kwavija olonga, “Baluwa za Paulo zizama na zimema mbuli ng'hulu, lakini yahawa hamoja na siye konyolila, na ulonzi wake siyo kinhu chochose!”

2 Wakolinto 11:19

Kwavija mweye mna nzewele, lekaavo mokala kwa kufunga umoyo na wanhu wabozi.

2 Wakolinto 11:29

Kamba munhu konyolila, na niye vivija nonyolila. Kamba munhu katenda nzambi, na niye nokona usungu.

2 Wakolinto 13:9

Todeng'helela kuwa siye tunyolila, lakini mweye mugangamala, na tompula Imulungu mutelele ng'hani.

2 Wakolinto 4:12

Avo, ifa yosang'hana mgati mmwetu, lakini ugima osang'hana mgati mmwenu.

2 Wakolinto 6:8

Totenda kwa kutegelezigwa na kugeligwa kinyala, tolongigwa vinogile na tolongigwa vihile, tolongigwa twa wavizi, lakini tolonga ukweli.

1 Wasesalonike 4:8

Avo munhu yoyose iyolema mafundizo gano hamulema munhu ila komulema Imulungu mwenyego yowagwaa Loho wake Yang'alile.

1 Petulo 4:14

Kamba moligigwa kwavija momtogola Kilisito, mumweda, kwavija Loho wa ukulu, yeli Loho wa Imulungu kokala na mweye.