1 Wakolinto 3:12 - Biblia Kikutu

¹² Uchanha mwa chandusilo acho wanhu ozenga kwa zahabu hebu shaba hebu mabwe ganogile ng'hani, na wayagwe ozenga kwa mibiki, majani hebu usoti.

1 Wakolinto 3:12 ပူးပေါင်းရင်းမြစ်များ

Zabuli 119:72

Malagizo gako ganoga kumwangu, kubanza maelufu ga zahabu na shaba.

Zabuli 19:10

Ago ga kusulukila kubanza zahabu, na kubanza zahabu ing'ala ng'hani. Gamulile kubanza uki, kubanza uki unogile.

Kulawa 5:12

Avo wanhu wapwililika kila hanhu mwiisi ya Misili kuzahila minyomvi.

Nongezi 16:16

Kuwa na ubala kunoga kubanza zahabu, kuwa na nzewele kunoga kubanza shaba.

Nongezi 30:6

Sikuwengeze mbuli mzimbuli zake, sambi yakukomhokele na gweye kokoneka kwa mvizi.

Nongezi 8:10

Sagula kuzumwa kwangu, badala ya shaba, na kutanga vinhu badala ya zahabu ing'alile.

Sang'hano 20:30

Kipindi chovika baho wanhu wayagwe kulawa mdibumbila jenu wenyego, owavizila wawagize wanahina kwa kuwatenda wawakweleleze hewo.

Walumi 16:17

Ndugu zangu nowapula ng'hani, muiteganye na wanhu owatenda muigole na kuwatenda muikwale, kwa kugalema mafundizo gamufunzigwe. Kaleni kutali nao!

1 Wakolinto 3:11

Kuduhu munhu iyagwe iyodaha kwika chandusilo, kwavija Imulungu kamwika Yesu Kilisito yaiyeka yawe chandusilo.

1 Wakolinto 3:13

Ukunoga kwa sang'hano ya munhu hokoneka mna isiku ija Kilisito vondayaifisule. Kwavija mna isiku ayo moto ogubula sang'hano ya kila munhu, moto ozigeza sang'hano zao kulagusa kamba zinoga.

2 Wakolinto 2:17

Siye hatuigalile na wanhu wayagwe, opata sente kwa kuchuuza usenga wa Imulungu, siye kwa kuilumba na Kilisito tolonga fulu ipile mgameso ga Imulungu, kamba wanhu tutumigwe na Imulungu.

2 Wakolinto 4:2

Tuzileka mbuli zose zigela kinyala na za kinyelegezi, hatulonga mbuli za uvizi hebu kuilonga vihile mbuli ya Imulungu. Lakini kwa kulonga ukweli mgameso ga Imulungu, ili wayagwe watugese mmizoyo yao kamba totamaniligwa.

Wakolosai 2:8

Muiteganye, munhu sikuyawagele mmakono kwa kuwakonga kwa mbuli za lomo mtindi, zilawa mna izimila za wanhu wa mwiisi na loho zili mwiisi avo havilawa kwa Kilisito mwenyego.

1 Timoseo 6:3

Munhu yoyose yofundiza viyagwe na hazitogola mbuli za ukweli za Mndewa wetu Yesu Kilisito na vivija hagatogola mafundizo ga Imulungu wetu,

2 Timoseo 2:20

Mng'anda ng'hulu kuna viya va kila aina, viya viyagwe va zahabu na shaba, avo vosang'hanilwa kwa sang'hano ng'hulu ng'hulu na viyagwe va mibiki na ulongo, avo vosang'hanilwa sang'hano ndodo ndodo.

2 Timoseo 3:13

Wanhu otenda gehile na wavizi obanza kutenda gehile ng'hani, kuwavizila wayagwe na wao wenyego oviziligwa.

2 Timoseo 3:7

Watwanzi awo ogeza kuifunza siku zose, lakini hawadaha ng'o kuujuwa ukweli.

2 Timoseo 4:3

Siku zokwiza aho wanhu honda wategeleze mafundizo gaukweli, lakini okweleleza gaja goyolonda wenyego na osola wafundiza wengi onda wafundize gaja gowolonda wao kuhulika.

Waebulania 13:9

Sikumuviziligwe kwa mafundizo gayagwe gowatenda muchole kuno na kuno. Kwavija mizoyo yenu yolondigwa igangamizigwe kwa ng'hekewa ya Imulungu, siyo kugagoga malagizo ga ndiya, wanhu wose wagogile malagizo gano wagaya bule.

1 Petulo 1:7

ili tamanilo jenu, difaya ng'hani kubanza zahabu joneke goya. Zahabu yobanangika lakini yogezigwa muumoto. Vivo ili kwa tamanilo jenu dogezigwa ili joneke goya na dilave ukulu na kutogoligwa na kutegelezigwa mna isiku yonda yagubuligwe Yesu Kilisito.

Ugubulo 2:14

Lakini ning'hali na mbuli ndodo kumwako, kuna wanhu kumwako okweleleza mafundizo ga Balaamu, yamfundize Balaki yawekile ng'hwalo wanhu wa Izilaeli watende nzambi kwa kuwasusumiza waje ndiya ilavigwe kwa vinyago va imilungu na watende ugoni.

Ugubulo 21:18

Senyenge yake ikala izengigwe kwa mabwe ga bei ng'hulu gokemigwa yasipi, na dijo dibuga dizengwa kwa zahabu inogile, ing'ala kamba kiyoo.

Ugubulo 3:18

Nokugwaa magesa, gula kumwangu zahabu isunhigwe kwa moto, ili uwe na ugoli. Vivija gula viwalo vizelu uvale, ugubike kinyala cha kuwa mwazi. Vivija gula dawa ya meso ugabake meso gako ili udahe kulola.