1 Wakolinto 13:6 - Biblia Kikutu

⁶ Yeli na unogelwa hadeng'helela gehile, lakini kodeng'helela ukweli.

1 Wakolinto 13:6 ပူးပေါင်းရင်းမြစ်များ

Zabuli 10:3

Munhu yehile koigodela kusulukila mmoyo wake, munhu mmelo komduwila na komuliga Mndewa Imulungu.

Zabuli 119:136

Meso gangu kolava mahozi kamba lwanda, kwavija wanhu hawagagoga malagizo gako.

Kulawa 18:9

Yetulo kadeng'helela ng'hani kwavija Mndewa Imulungu kawatendela ganogile Waizilaeli, kwa kuwalava Waizilaeli mmakono gawa Misili.

Nongezi 14:9

Wabozi oideng'helela nzambi, lakini wanhu weli na haki onogeligwa na Imulungu.

Matayo 18:13

Nowalongeleni ukweli yahampata, kodeng'helela ng'hani kubanza waja malongo tisa na tisa walekile kupotela.

Luka 22:5

Nao wadeng'helela na waitogolela kumgwaa sente.

Walumi 1:32

Wajuwa malagizo ganogile ga Imulungu golonga wanhu otenda mbuli azo olondigwa wafe. Hawahelele kutenda mbuli azo ziiyeka lakini vivija owagwaa pala ukulu wanhu otenda mbuli zizo.

Walumi 12:9

Unogelwa wenu uwe wa ukweli, gehileni gehile, gagogeni ganogile.

Wafilipi 1:18

Niye sitonga bule, niye nodeng'helela kwavija kwa nzila yoyose wanhu opeta usenga wa Kilisito, iwe oupeta kwa kilamuso kinogile hebu kwa kilamuso kihile. Niye sileka kudeng'helela bule,

Wafilipi 1:4

nahawapulila mweye mose kwa Imulungu, nowapulileni kwa deng'ho,

Wafilipi 3:18

Kwavija miyanza mingi niwalongela mbuli ino, na sambi nowalongela kabili kwa mahozi kuwa, wanhu bwando okala kamba waihila na usenga wa kufa kwa Kilisito mumsalaba.

2 Wasesalonike 2:12

Avo wose walemile kuutogola ukweli, lakini odeng'helela gehile, otagusigwa.

2 Yohana 1:4

Ndeng'helela ng'hani vinyone wanago wayagwe okala mna ikweli kamba Imulungu Tata viyatulagize.