1 Wakolinto 11:4 - Biblia Kikutu

⁴ Avo kila mbigalo yompula Imulungu, hebu yolonga usenga wa Imulungu kuno kagubika pala jake, ayo kombeza Kilisito.

1 Wakolinto 11:4 ပူးပေါင်းရင်းမြစ်များ

2 Samweli 15:30

Lakini Daudi kagendelela kukwela lugongo lwa Mizeituni kuno kolila, kabule vilatu mmagulu na kuno kagubika pala jake, na wanhu wose wakalile hamoja na heyo wagubika mapala gao na wakala olila.

2 Samweli 19:4

Mndewa kaigubika kihanga chake na kalila kwa sauti ng'hulu kolonga, “Go mwanangu Abisalomu, go mwanangu Abisalomu.”

Sang'hano 13:1

Mna iwanhu wamtogole Yesu ako Antiokia, kukala na watula ndagu wa Imulungu na wafundiza, Balinaba na Sauli na Simeoni yakemigwe Mtitu na Lukio yalawile Kilene, Manaeni yakulile hamoja na Mndewa Helode.

1 Wakolinto 11:14

Hata Imulungu viyaumbile kolagusa kuwa mbigalo yahawa na mvili nhali koigela kinyala mwenyego.

1 Wakolinto 11:5

Mtwanzi yoyose yompula Imulungu hebu kulonga usenga wa Imulungu bila kugubika pala jake, ayo komgela kinyala mkasano wake. Mtwanzi yotenda avo kaigala na mtwanzi yabeiye pala jake.

1 Wakolinto 12:10

Loho Yang'alile komgwaa munhu udahi wa kutenda unzonza, iyagwe komgwaa nhunza ya kulonga usenga wa Imulungu, na iyagwe komgwaa nhunza ya kujuwa nhunza zilawa kwa Loho hebu hazilawa kwa Loho. Vivija Loho komgwaa munhu nhunza ya kulonga ulonzi wa sambi, na iyagwe nhunza ya kuzifambula.

1 Wakolinto 12:28

Mvibumbila va wanhu wamtogole Yesu Imulungu kaweka, mosi watumigwa, pili watula ndagu na kadatu wafundiza, abaho kaweka waja weli na nhunza ya kutenda unzonza, abaho waja weli na nhunza ya kuhonya hebu kuwataza wayagwe hebu udahi wa kuwalongoza wanhu hebu kulonga ulonzi wa sambi.

1 Wakolinto 13:2

Vivija nodaha kuwa na nhunza ya kupeta usenga wa Imulungu, nozijuwa mbuli zose zifisigwe, na nodaha kuwa na tamanilo da kuhamiza vigongo, lakini nahaswela unogelwa niye siyo kinhu.

1 Wasesalonike 5:20

sikumuubeze usenga ulawa kwa Imulungu,