1 Wakolinto 1:30 - Biblia Kikutu

³⁰ Lakini Imulungu kawatenda muilumbe na Yesu Kilisito, kamtenda Kilisito yawe nzewele yetu. Kubitila heyo totendigwa tunoga mgameso ga Imulungu, na twa wanhu wa Imulungu na tokomboligwa.

1 Wakolinto 1:30 ပူးပေါင်းရင်းမြစ်များ

Waefeso 1:7

Kwavija kwa damu ya Kilisito siye tolekesigwa, nzambi zetu zogeligwa kumgongo kwa ukulu wa ng'hekewa ya Imulungu,

Wafilipi 3:9

Na kwa kuilumba nayo, niye silonda kabili noge mgameso ga Imulungu kwa kugagoga Malagizo. Lakini sambi ninoga mgameso ga Imulungu kwa kumtamanila Kilisito, kunoga kuko kolawa kwa Imulungu kubitila kutamanila.

Walumi 8:1

Avo wanhu wose weli wa Yesu Kilisito honda watagusigwe kuwa wabananga.

1 Wakolinto 1:2

towandikila mweye wanhu wa Imulungu muli kudibuga da Kolinto. Mweye mose mukemigwe muwe wanhu wang'alile wa Imulungu, mweye mwa wanhu wa Imulungu kwa kuilumba na Yesu Kilisito, hamoja na wanhu wose weli kila hanhu omgwaa ukulu Mndewa wetu Yesu Kilisito, Mndewa wao na vivija Mndewa wetu.

Waefeso 2:10

Siye twa sang'hano ya makono ga Imulungu, na kwa kuilumba na Yesu Kilisito, Imulungu katuumba ili tukale kwa kusang'hana mbuli zinogile ziyatutandile tuzisang'hane.

Wakolosai 1:14

kubitila heyo tolekesigwa na nzambi zetu zogeligwa kumgongo.

1 Wakolinto 6:11

Wanhu wayagwe kumwenu mukala vivo. Lakini sambi nzambi zenu zisegesigwa, mulavigwa kwa Imulungu, mutendigwa munoga mgameso ga Imulungu kwa twaga da Mndewa Yesu Kilisito na Loho wa Imulungu wetu.

Yohana 14:6

Yesu kamwidika, “Niye ayo nzila, ukweli na ugima. Kuduhu munhu yochola kwa Tata kamba habitila kumwangu.

Nongezi 2:6

Kwavija Mndewa Imulungu kowagwaa wanhu ubala, mmulomo wake molawa kutanga vinhu na kutanga goya.

Wagalatia 3:13

Kilisito katukombola mna ukuduwiligwa na Malagizo, kwa kuduwiligwa mbuli ya siye, kwavija Maandiko Gang'alile golonga, “Munhu yoyose lukuli lwake lunanikigwe mdibiki kaduwiligwa.”

Wagalatia 1:4

Kwa kutegeleza viyolonda Tataetu Imulungu, Kilisito kailava mwenyego kwa nzambi zetu, ili yatukombole na nzambi za wanhu wa lukolo luno lwa sambi.

1 Wakolinto 1:24

Lakini kwa waja wakemigwe na Imulungu, Wayahudi hamoja na haweli Wayahudi, Kilisito ayo nguvu ya Imulungu na nzewele za Imulungu.

Yakobo 1:5

Kamba munhu yoyose kumwenu kahungukilwa nzewele, yampule Imulungu nayo komgwaa, kwavija Imulungu kowagwaa wanhu kwa moyo unogile bila kulola kitala cha munhu.

2 Wakolinto 4:6

Imulungu yalongile, “Mulenge umwemwese kulawa mdiziza!” Ayo yatendile mulenge wake umwemwese mmizoyo yetu, katugwelela mulenge wa nzewele za ukulu wa Imulungu mkihanga cha Yesu Kilisito.

Ugubulo 14:4

Wanhu awo wakala waikile goya na hawanawasa bule na watwanzi. Wao omkweleleza Mwanang'hondolo kokose koyochola. Wakomboligwa kulawa mgati mwa wanhu, wawa wanhu wa ichanduso kulavigwa kwa Imulungu na kwa Mwanang'hondolo.

2 Petulo 1:1

Niye Simoni Petulo, namsang'hanaji na mtumigwa wa Yesu Kilisito, nowandikila mweye mugweleligwe tamanilo dinogile ng'hani kamba ditugweleligwe siye kubitila kunoga kwa Imulungu wetu na Mkombola wetu Yesu Kilisito.

Waefeso 5:26

Katenda avo ili yawalave kwa Imulungu, yahamambukiza kuwasunha kwa mazi kubitila mbuli yake,

Waefeso 4:30

Sikumumtende Loho Yang'alile wa Imulungu, yanyunyuwale kwavija Loho ayo kilaguso cha Imulungu kuwa mweye mwa wanhu zake. Nayo Loho kolagusa kuwa siku yovika Imulungu kowatenda mulekesigwe.

1 Wakolinto 12:8

Loho komgwaa munhu usenga uli na nzewele, na kwa munhu iyagwe Loho iija komgwaa udahi wa kujuwa mbuli.

Yohana 17:8

Kwavija niwagwaa usenga uunigwelele, na wao waubokela, ojuwa kweli niye nilawa kumwako, na watogola kamba gweye kunhuma.

Waebulania 9:12

Kilisito kengila mwanza umoja wiiyeka Mdigati Ding'alile Ng'hani hengile na damu ya mbuzi na ng'ombe kulava nhosa, ila kasola damu yake mwenyego na katutenda tulekeswe kipindi chose.

Tito 2:14

Yesu kailava mwenyego mbuli yetu ili yatulekese kulawa mna izinzambi na kututenda wanhu wanogile weli wake mwenyego, wanhu osulukila kutenda ganogile.

Waefeso 1:14

Loho Yang'alile ayo yotutenda tubokele kija kiyalongile Imulungu kwa wanhu zake, na mbuli ino yotulagusila kuwa Imulungu kowagombola wanhu zake. Avo tumtogole Imulungu kwa ukulu wake!

1 Wakolinto 12:27

Avo, mweye mose mwa lukuli lwa Kilisito, kila munhu kiungo cha lukuli lulo.

Walumi 8:23

Lakini siyo vinhu viumbigwe viiyeka avo vigutilila kwa usungu, lakini siye vivija tuli na Loho, yakalile nhunza ya ichanduso ya Imulungu, togutilila mgati kwa mgati, kuno tobetela Imulungu yatutende wanage na kutulekesa mna zing'huli zetu.

Walumi 8:9

Lakini mweye, kamba Loho wa Imulungu kokala mgati mmwenu, hamulongozigwa na lukuli, ila molongozigwa na Loho. Kamba munhu yoyose kabule Loho wa Kilisito, munhu ayo heli wa Kilisito bule.

Walumi 5:21

Avo, kamba vija nzambi vizitawale na kugala ifa, vivo ili ng'hekewa ya Imulungu yotawala kwa ganogile, na kutugala muugima wa milele kubitila Yesu Kilisito Mndewa wetu.

Walumi 5:19

Kamba vija kulema kutegeleza kwa munhu imoja wanhu wengi otenda nzambi, vivo ili kwa kutegeleza kwa munhu imoja wanhu bwando otendigwa wanoga mgameso ga Imulungu.

Walumi 4:25

Heyo kalavigwa yafe kwa nzambi zetu, abaho kazilibuka ili Imulungu yatutende tunoge mgameso gake.

Walumi 4:6

Nayo Daudi kalonga mbuli iino, viyalongile mbuli ya kumweda kwa munhu yagesigwe na Imulungu kanoga, bila kulola gaja gayasang'hane.

Yohana 8:12

Yesu kawalongela Mafalisayo kabili, “Niye ayo mulenge wa isi. Munhu yoyose yonikweleleza kokuwa na mulenge wa ugima na honda yagende mdiziza bule.”

Yohana 1:18

Kuduhu munhu yamonile Imulungu, lakini Imwana yaiyeka yaigalile na Imulungu na kuilumba na Tata, ayo yatutendile tumjuwe Imulungu.

Luka 21:15

kwavija niye nowagwaa ubala na mbuli za kulonga. Kuduhu munhu mna iwanhu wamwihileni yodaha kuwahuma hebu kulema chonda mulonge.

Matayo 1:21

Kolela mwana wa kimbigalo na gweye komgwaa twaga da Yesu, kwavija kowakombola wanhu zake mzinzambi zao.”

Ugubulo 5:9

Wemba lwila lwa sambi, “Kofaya kukisola ikitabu na kuzibandula zifundo zake za uhota. Kwavija kukala uchinjigwe, na kwa damu yako kumgulila wanhu Imulungu, kulawa kila kabila na ulonzi na isi na lukolo.

1 Yohana 5:6

Yesu Kilisito ayo yezile kwa mazi na kwa damu ya kufa kwake. Hezile kwa mazi gaiyeka ila keza kwa mazi na kwa damu. Nayo Loho kolonga kweli, kwavija Loho awo ukweli.

1 Petulo 1:2

Toka mwaka Imulungu Tata kajuwa na kawasagula mweye, na kawatenda mung'ale kwa Loho wake, kubitila kumtegeleza kwenu Yesu Kilisito na kawasunha kwa damu yake. Imulungu yawagwee ng'hani ng'hekewa na tindiwalo.

Wakolosai 3:16

Usenga wa Kilisito umeme mmizoyo yenu. Ifunzeni na muizume kwa nzewele zose. Mwimbe zabuli na nyila za kumtogola na kumtambikila Imulungu. Mwimbileni Imulungu wenu kwa kumgwaa nhogolwa mmizoyo yenu.

Waefeso 1:10

Vikivikile kipindi chake, katenda kija kiyalondile, kuvika hamoja vinhu vose vilumbigwe kuulanga na mwiisi, kavigela mmakono ga Kilisito.

1 Wakolinto 12:18

Avo Imulungu kakika kila kiungo mulukuli kamba viyalondile.

Walumi 16:11

Nomulamusa Helodiani, Muyahudi miyangu, na wanhu wamtogole Yesu mng'anda ya Nalikisi.

Walumi 16:7

Vivija mulamuseni Anduloniko na Yunia, Wayahudi wayangu wagodekigwe na niye. Wao wajuwika ng'hani na watumigwa na wanongolela kumtogola Kilisito.

Walumi 12:5

Vivo ili kumwetu siye, hamoja twa wengi, twa maungo mulukuli lwa Kilisito, na kila imoja wetu ni maungo ga miyage.

Walumi 11:36

Kwavija vinhu vose vilumbigwa na Imulungu, na vose vabaho kubitila Imulungu na vabaho mbuli yake. Imulungu yagweleligwe ukulu siku zose! Ona.

Walumi 1:17

Kwavija Mbuli Inogile yogubula vija Imulungu viyowatenda wanhu wanoge mgameso gake. Mbuli ino yotendeka kwa kutamanila, kusongela haichanduso mbaka kuuhelelo. Kamba Maandiko Gang'alile vigalonga, “Munhu yatendigwe kanoga na Imulungu, kokuwa mgima kwa kumtamanila.”

Sang'hano 26:18

Uwafumbule meso gao walawe mdiziza weze kudilenge na walawe mmakono ga Mwenembago wambwelele Imulungu, avo kubitila kutamanila kwao kumwangu nzambi zao zogeligwa kumgongo na opata uhazi wao mna iwanhu wasaguligwe na Imulungu.’ ”

Yohana 17:26

Nhenda wao wakujuwe, na nogendelela kutenda vivo, ili unogelwa uli nao kumwangu ukale mgati mmwao, ili na niye ng'hale mgati mmwao.”

Nongezi 8:5

Mweye mizozolo, ifunzeni ubala, mweye wabozi, gelegezeni goya.

Nongezi 1:20

Ubala oguta kwa nyangi mna zinzila, okema kwa nyangi ng'hulu mmabugano,

2 Wakolinto 12:2

Nomjuwa munhu imoja Mkilisito, miyaka longo na nne ibitile kagaligwa mbaka kuulanga. Sijuwile bule kamba kakala ako na lukuli hebu na loho, Imulungu heyo yajuwile.

Luka 11:49

Kwa mbuli ayo, nzewele ya Imulungu ilonga, ‘Nowatuma watula ndagu wa Imulungu na watumigwa, wayagwe owakoma na wayagwe owadununza!’

1 Wakolinto 4:15

Avo hata kamba mwahawa na vilongozi elufu kumi muugima wenu kwa Kilisito, mweye mwabule tata wengi, kwavija kwa kuilumba na Yesu Kilisito, niye na tataenu kwa kuwagalila Mbuli Inogile.

1 Wasesalonike 5:23

Imulungu mwenyego iyotugwaa tindiwalo yawatende muwe wang'alile ng'hani na kwika unhu wenu na loho na mizoyo na lukuli kutali na ubananzi wowose, mna ikipindi cha kubwela Mndewa wetu Yesu Kilisito.