1 Wakolinto 1:18 - Biblia Kikutu

¹⁸ Kwavija usenga mbuli ya ifa ya Kilisito mumsalaba yokoneka mbuli ya kibozi kwa wanhu opotela, lakini kumwetu siye tukomboligwa, usenga awo ni nguvu ya Imulungu.

1 Wakolinto 1:18 ပူးပေါင်းရင်းမြစ်များ

Sang'hano 13:41

‘Tegelezeni mweye muli wafyosi! Kanganyeni mufe! Kwavija kinhu kinhenda sambi, honda mkitogole bule, hata kamba munhu yahawasimulila!’ ”

Sang'hano 17:18

Wanhu waifunzile nzewele za Epiluko na Stoiki hawamtogolele, wayagwe walonga, “Ubozi gani oolonga munhu ino?” Wayagwe wedika, “Yokoneka kolonga mbuli ya milungu haijuwika?” Walonga avo kwavija Paulo kakala yowapetela mbuli ya Yesu na kuzilibuka.

Sang'hano 17:32

Viwamuhulike Paulo kolonga mbuli ya kuzilibuka kwa wafile, wanhu wayagwe wamzeha, lakini wayagwe walonga, “Tolonda kuihulika kabili mbuli ino.”

Sang'hano 2:47

kuno omtogola Imulungu, na wanhu wose wawanogela. Kila siku wanhu wamtogole Yesu ongezigwa na Mndewa mdibumbila jao.

Walumi 1:16

Siyonela kinyala bule Mbuli Inogile, kwavija ina udahi wa Imulungu wakumkombola munhu yoyose yotogola, tanhu kwa Wayahudi, abaho kwa wanhu haweli Wayahudi.

1 Wakolinto 1:21

Kamba viili nzewele ya Imulungu, wanhu wa mwiisi hawadaha kumjuwa heyo kubitila nzewele zao wenyego. Lakini Imulungu kanogelwa kuwakombola waja omtogola kubitila usenga awo utuwapetela na ukoneka kwa wanhu weli na nzewele kamba ubozi.

1 Wakolinto 15:2

Usenga uniwapeteleni, ayo Mbuli Inogile. Mwahaigoga ng'hani mokomboligwa. Kamba mwahaleka kuigoga mugaya bule kutogola.

1 Wakolinto 2:14

Munhu yoyose yeliduhu Loho Yang'alile hadaha kubokela vinhu kulawa kwa Loho wa Imulungu. Wanhu wano hawazijuwa mbuli azo, kumwao zokoneka ubozi, kwavija mbuli azo zodahika kufambuligwa kwa kutazigwa na Loho Yang'alile yaiyeka.

1 Wakolinto 2:2

Kwavija vinikalile na mweye, silondile kugesa kinhu chochose lakini Yesu Kilisito na ifa yake mumsalaba.

1 Wakolinto 3:19

Kwavija nzewele za wanhu wa mwiisi ino ni ubozi mgameso ga Imulungu. Kamba Maandiko Gang'alile vigolonga, “Imulungu kowanamata weli na nzewele muubala wao,”

1 Wakolinto 4:10

Siye twawabozi mbuli ya Kilisito, lakini mweye mwa wabala kwa kuilumba na Kilisito! Siye tunyolila, lakini mweye mugangamala! Mweye motegelezigwa lakini siye tokwehuligwa!

2 Wakolinto 10:4

Silaha zituitowela siye siyo silaha za mwiisi ino, lakini nguvu ya Imulungu, itulaga ng'hambi zose. Tobananga mbuli zose za uvizi,

2 Wakolinto 4:3

Avo kamba Mbuli Inogile ituwapetela wanhu ifisigwa, ifisigwa kwa hewo opotela.

1 Wasesalonike 1:5

Kwavija vituwagalileni Mbuli Inogile, hatuigalile kwa mulomo wiiyeka, lakini tuigala kwa nguvu na Loho Yang'alile, na tukala tujuwile goya mbuli ayo ikala ya ukweli. Mojuwa vitukalile hamoja na mweye, ikala mbuli ya mweye.

2 Wasesalonike 2:10

na kusang'hanila kila uvizi kwa waja opotela. Awo opotela kwavija hawaubokele na kuunogela ukweli ili wakomboligwe.

Waebulania 12:2

Meso getu tumulole Yesu, itumtamanila kulawa ichanduso mbaka kuuhelelo. Viyakalile mumsalaba habwelile kuchugu! Mbuli ya ndeng'helelo ikalile yombeta, hatongile kinyala cha msalaba na sambi kakala muukulu mwambu wa mkono wa kudila wa kigoda cha ukulu cha Imulungu.

Waebulania 4:12

Mbuli ya Imulungu ina ugima na nguvu, ng'hali kubanza panga dikanha kuno na kuno. Yokwingila mbaka mgati kuna umoyo na loho kamba panga kali vidikanha mbaka mgati ya maungo na uhongoli. Mbuli ayo yogubula magesa ga wanhu na vija viwolonda mmizoyo yao.