1 Samweli 7:9 - Biblia Kikutu

⁹ Samweli kasola ng'hondolo yokong'ha kamulava kwa Mndewa Imulungu kamba nhosa ya kusakaza, abaho Samweli kamulilila Mndewa Imulungu mbuli ya Waizilaeli, na Mndewa Imulungu kahulika kililo chake.

1 Samweli 7:9 ပူးပေါင်းရင်းမြစ်များ

Zabuli 50:15

Unikeme siku ya magazo, na niye nokuhonya na gweye konitogola.”

Zabuli 99:6

Musa na Haluni wa hagati ya iwalava nhosa wake, na Samweli mna iwao odikema twaga jake, viwamkemile Mndewa Imulungu kawedika.

Walawi 22:27

“Ng'ombe hebu ng'hondolo hebu mbuzi yahaleligwa yakale kwa mamake kwa siku saba. Lakini kusongela siku da nane modaha kumulavila Mndewa Imulungu kamba nhosa ya kusoma moto.

Kumbukumbu 9:26

Nimpula Mndewa Imulungu, nilonga, ‘Go, Mkulu Mndewa Imulungu sikuuwabanange wanhu wako, wanhu wano kuwakombola kulawa mwiisi ya Misili kwa udahi wako na nguvu ng'hulu.

Yakobo 5:16

Avo kila munhu yamulongele miyage nzambi zake, muipulile ili muhonyigwe. Kupula kwa munhu yanogile mgameso ga Imulungu kuna nguvu ng'hani ya kutenda mengi.

Wasemi 6:26

Abaho, unizengele niye Mndewa Imulungu, Imulungu wako, upango wa nhosa unogile ako kulugongo. Abaho unilavile nhosa ya kusoma moto kwa ija ing'ombe wakabili kwa ngodi za ija imhanda ya Ashela yuukanhile.”

Wasemi 6:28

Wenekae wa buga dijo viwalamuke imitondo wona upango wa nhosa wa Baali na imhanda ya Ashela ikalile behi na uupango vibanangigwa, na vivija wona imitozi ya ing'ombe wakabili yakalile yasomigwe moto uchanha ya upango wa nhosa uzengigwe aho.

1 Samweli 10:8

“Ulongole ukanibete kudibuga da Giligali. Niye nokwiza kulava nhosa za kusoma moto na nhosa za kugala kuilumba, lakini umbete aho kwa siku saba mbaka vonda nize kukulongela chaukutenda.”

1 Samweli 12:17

Kwavija mna ikipindi kino cha kusenga ngano mvula kuduhu, avo nompula Mndewa Imulungu yagale mvula na ng'huwa, na mweye mojuwa mbuli zenu zihile zimumtendele Mndewa Imulungu, kwa kulonda muwe na mndewa wenu.”

1 Samweli 16:2

Samweli kamulongela, “Nocholaze? Sauli yahahulika mbuli ino kong'homa!” Mndewa Imulungu kamulongela, “Sola bofu da kitwanzi da ng'ombe na uchole najo, wahavika longa, ‘Niza kumulavila nhosa Mndewa Imulungu.’

1 Samweli 2:35

Abaho nomsagula mulava nhosa iyagwe yonda yanitegeleze, kotenda gaja geli mmoyo wangu na nzewele zangu. Nomtendela ulelo ugangamale, nayo konisang'hanila niye siku zose, haulongozi wa ija inimsagule.

1 Samweli 7:17

Abaho kakala yobwela ukae kumwake ako Lama, na kuko vivija kakala msemi wa Waizilaeli na vivija kamzengela Mndewa Imulungu upango wa kulavila nhosa.

1 Samweli 9:12

Waja iwandele wawedika, “Ona kakuko, ka aho kuulongozi wenu mwahatausa momvika. Keza lelo kwavija lelo iwanhu olava nhosa ihanhu ha kutambikila.