1 Samweli 7:17 - Biblia Kikutu

¹⁷ Abaho kakala yobwela ukae kumwake ako Lama, na kuko vivija kakala msemi wa Waizilaeli na vivija kamzengela Mndewa Imulungu upango wa kulavila nhosa.

1 Samweli 7:17 ပူးပေါင်းရင်းမြစ်များ

Mwanduso 33:20

Avo, ako kazenga upango wa kulavila nhosa kaukema Eli Elohe Izilaeli, fambulo jake Imulungu ni Imulungu wa Izilaeli.

Mwanduso 35:7

Ako kazenga upango wa kulavila nhosa, kahakema hanhu aho Eli Beseli, kwavija ako Imulungu yamulawilile viyakalile komkimbila ndugu yake.

Wasemi 4:5

Debola kazowela kukala hasi ya mtende ukalile hagati ya buga da Lama na buga da Beseli kuna iisi ya kuvigongo va Efulaimu na wanhu wa Izilaeli wamcholela yawalamule.

Wasemi 6:24

Gideoni kamzengela Mndewa Imulungu upango wa kulavila nhosa na kaukema, “Mndewa Imulungu ayo Tindiwalo.” Mbaka lelo upango awo wa kuko ako Ofula, dibuga da Wabiezeli.

1 Samweli 1:1

Kukala na munhu imoja kulawa kudibuga da Lama mwiisi ya kuvigongo va Efulaimu, twaga jake Elikana kakala yolawa mulukolo lwa Wazufu mdikabila da Efulaimu. Ayo kakala mwanage Yelohamu, Yelohamu mwanage Elihu, Elihu mwanage Tohu, Tohu mwanage Sufu.

1 Samweli 1:19

Imitondo yake waidamuka na wamtambikila Mndewa Imulungu, abaho wabwela ukae kumwao ako Lama. Elikana kamwingilila mwehe wake Hana, na Mndewa Imulungu kamkumbuka Hana.

1 Samweli 11:15

Wanhu wose viwavikile Giligali, wamsimika Sauli kuulongozi wa Mndewa Imulungu kamba mndewa. Sauli hamoja na wanhu wa Izilaeli wadeng'helela ng'hani, na wamulavila Mndewa Imulungu nhosa za kugala kuilumba.

1 Samweli 14:35

Baho Sauli kamzengela upango Mndewa Imulungu. Awo ukala upango wa ichanduso wa Sauli kumzengela Mndewa Imulungu.

1 Samweli 15:34

Abaho Samweli kachola Lama, na Sauli kabwela kuna ing'anda yake ako Gibea.

1 Samweli 2:11

Abaho Elikana kabwela ukae ako Lama. Lakini mbwanga ayo Samweli kamsang'hanila Mndewa Imulungu kuulongozi wa Eli imulava nhosa.

1 Samweli 28:3

Kipindi acho Samweli kakala yadanganike, Waizilaeli wose wakala wamulilile na kumzika kudibuga jake da Lama. Sauli kakala yawawingile wanhu olagula kwa mizimu na wahawi mwiisi yake.

1 Samweli 8:4

Abaho iwavele wose wa Izilaeli waiting'hana hamoja na wachola kudibuga da Lama kwa Samweli,

1 Samweli 9:12

Waja iwandele wawedika, “Ona kakuko, ka aho kuulongozi wenu mwahatausa momvika. Keza lelo kwavija lelo iwanhu olava nhosa ihanhu ha kutambikila.