1 Samweli 6:17 - Biblia Kikutu

¹⁷ Vino avo ivinyago va zahabu va imipute viwagalile Wafilisiti kamba nhosa ya kulihila gehile kwa Mndewa Imulungu, kwa kila buga dimoja kinyago kimoja cha zahabu kwa buga da Ashidodi na Gaza na Ashikeloni na Gati na buga da Ekiloni.

1 Samweli 6:17 ပူးပေါင်းရင်းမြစ်များ

2 Samweli 1:20

Sambi mudilonge buga da Gati, hebu mzinzila za Ashikeloni, buleavo watwanzi wa Wafilisiti odeng'helela, na wandele wa awo hawengile kumbi odeng'ha.

2 Samweli 21:22

Awo wane walawa muulelo wa Walefai wa ako Gati, na hewo wafila mmakono ga Daudi na wakalizi zake.

Walawi 5:7

“ ‘Lakini kamba yahalemelwa kugala ng'hondolo, yamgalile Mndewa Imulungu huwa wabili hebu makinda mabili ga njiwa, mbuli ya nzambi yake iyaitendile. Imoja kokuwa nhosa ya kusegesa nzambi na iyagwe kokuwa nhosa ya kusoma moto.

Kumbukumbu 28:27

Mndewa Imulungu kowagalila mapute gawapatile Wamisili, na mokuwa na milonda na vibuhu moizega lakini hamuhonyigwa bule.

Wasemi 1:18

Vivija iwanhu wa kabila da Yuda wadisola buga da Gaza na vijiji vake na buga da Ashikeloni na vijiji vake na buga da Ekiloni na vijiji vake.

Wasemi 14:19

Baho Loho ya Mndewa Imulungu imwingila Samsoni kwa nguvu, na heyo kachola kudibuga da Ashikeloni, kawakoma wanhu malongo madatu, abaho kavisola viwalo vao, kawagwaa wanhu awo wakitegule ikitendawili chake. Abaho kachola ukae kwa tatake akuno kagevuzika.

Wasemi 16:1

Siku dimoja Samsoni kachola kudibuga da Gaza, kamona mtwanzi imoja mgoni na kawasa na heyo.

Wasemi 16:21

Wafilisiti wamgoga, wamng'ola gameso, wamgala ako Gaza, wamfunga kwa mhingu za shaba, na wamnanahiza yadunde usage wa ngano ako kukifungo.

1 Samweli 5:1

Wafilisiti viwadisolile disanduku da lagano da Imulungu, wadipapa kulawa kuna ing'hambi ya Ebenezeli mbaka kudibuga da Ashidodi.

1 Samweli 5:10

Avo wadigala disanduku da lagano da Imulungu ako kudibuga da Ekiloni. Lakini disanduku da lagano da Imulungu vidikalile dokwingila kudibuga da Ekiloni, iwanhu wa buga dijo wakemelela, “Watugalila sanduku da lagano da Imulungu wa Izilaeli ili yatukome siye na wanhu zetu.”

1 Samweli 5:8

Avo wawakema iwakulu wose wa Wafilisiti na wawalongela, “Tuditendeze sanduku dino da lagano da Imulungu wa Izilaeli?” Waja iwakulu wawedika, “Sanduku da lagano da Imulungu wa Izilaeli digaligwe ako Gati.” Avo wadigala disanduku da lagano da Imulungu wa Izilaeli ako Gati.

1 Samweli 6:4

Wawauza, “Nhosa gani ya kulihila gehile ilondigwa tuilihe?” Wao wawedika, “Mipute mitano ya zahabu na mbewa watano wa zahabu, kamba iwakulu watano wa Wafilisiti viweli, kwavija mweye mose na iwakulu zenu mupata ayo imikubulo.