1 Samweli 4:4 - Biblia Kikutu

⁴ Avo, wawatuma wanhu ako Shilo, na hewo wadigala sanduku da lagano da Mndewa Imulungu yeli na udahi wose, na yokala kindewa uchanha ya viumbe weli na mabawa. Waja iwana wabili wa ikimbigalo wa Eli, Hofini na Finehasi weza hamoja na sanduku da lagano da Mndewa Imulungu.

1 Samweli 4:4 ပူးပေါင်းရင်းမြစ်များ

2 Samweli 15:24

Mulava nhosa Abiatali kalawa, na mulava nhosa Sadoki kalawa hamoja na Walawi wose wadipapa Sanduku da lagano da Imulungu. Wadika hasi mbaka wanhu wose viweshilize kubita kulawa Yelusalemu.

2 Samweli 6:2

Avo Daudi hamoja na wanhu zake wachola Baala ya Yuda kudisola sanduku da lagano dikemigwa kwa twaga jake Mndewa Imulungu yeli na udahi wose yokala mkigoda chake cha undewa hagati ya viumbe weli na mabawa wakalile uchanha ya disanduku.

Zabuli 80:1

Gweye msusilaji wa Izilaeli tutegeleze, gweye umulongoza Yusufu kamba fugo, gweye ukalaga mkigoda cha ukulu hagati ya viumbe wa kuulanga, umwemwese.

Zabuli 80:2

Kuulongozi wa Efulaimu, Benjamini na Manase. Inula nguvu zako, wize utukombole.

Zabuli 99:1

Mndewa Imulungu kotawala, wanhu wa isi zose wagwaye. Kakala mkigoda cha undewa hagati ya viumbe weli na mabawa, isi itigisike.

Kupetigwa 4:15

“Abaho, Haluni na wanage wahamambukiza kuhagubika hanhu hong'ala hamoja na vinhu vose viyagwe waitande kwa mwanza, abaho wanhu wa ulelo wa Kohati weze wavipape. Lakini hewo hawalondigwa kuvikwasa viya avo ving'alile ili sikuwafe, ino ayo sang'hano ya ulelo wa Kohati kipindi chose dihema da mting'hano chahahamizwa.

Kupetigwa 4:5

Kipindi cha kusegela chahavika Haluni na wanage wengile mng'anda ya dihema wadihumuluse dipanziya dili kuulongozi wa disanduku da lagano, abaho wadigubike disanduku da lagano kwa panziya dijo.

Kupetigwa 7:89

Musa viyengile mna dihema da mting'hano ili kulonga na Mndewa Imulungu, kahulika sauti kulawa mwambu wa uchanha wa ingubiko ya disanduku da lagano, hagati ya awo iviumbe wabili weli na mabawa, sauti ayo imulongela.

1 Samweli 1:24

Viyamulekese imwana tombo kamnyamula na kasola ng'ombe mbigalo wa miyaka midatu na kilo longo za usage na mfuko wa ng'hwembe umemile divai kamgala kuna ing'anda ya Mndewa Imulungu ako Shilo, na ija imwana kakala mdodo.

1 Samweli 14:3

Mna iwanhu awo kakala Ahiya mwanage Ahitubu ndugu yake Ikabodi mwanage Finehasi, mzukulu wa Eli, mulava nhosa wa Mndewa Imulungu kudibuga da Shilo yakalile yovala kikoti cha ulava nhosa. Wanhu hawajuwile kamba Yonatani kasegela.

1 Samweli 2:22

Kipindi acho Eli kakala mvele ng'hani. Kahulika gose gawatendile wanage wa kimbigalo kwa iwanhu wose wa Izilaeli, na viwakalile owasa na waja iwatwanzi wakalile osang'hana kuna ulwivi lwa dihema da mting'hano.