1 Samweli 30:8 - Biblia Kikutu

⁸ Daudi kamuuza Mndewa Imulungu, “Vino, nidikweleleze bumbila dino da iwabavi? Nahawakweleleza nowapata?” Mndewa Imulungu kamwidika, “Wakweleleze kowavika na kowakombola awo wasoligwe.”

1 Samweli 30:8 ပူးပေါင်းရင်းမြစ်များ

Mwanduso 14:16

Baho, Abulamu kavikombola vinhu vose visoligwe na wanhu awo na kamkombola Lutu ndugu yake, vinhu vake, hamoja na watwanzi na wanhu wayagwe.

2 Samweli 5:19

Daudi kamuuza Mndewa Imulungu, “Vino, ny'hole kuwavamila Wafilisiti? Vino, kowagela mmakono gangu?” Mndewa Imulungu kamulongela Daudi, “Genda nowagela mmakono gako.”

2 Samweli 5:23

Avo Daudi kamuuza Mndewa Imulungu, Mndewa Imulungu kamwidika, “Sikuuwavamile baho kuwili, lakini wazunguluke kukisogo uwavamile umwambu uilola na mibiki ya mifolosadi.

Zabuli 50:15

Unikeme siku ya magazo, na niye nokuhonya na gweye konitogola.”

Zabuli 91:15

Yahanikema nomwidika, nokuwa hamoja na heyo mmagazo, nomkombola na nomgwaa ukulu.

Kulawa 15:9

Ija yatwihile kalonga, ‘Nowakweleleza na nowagoga, Noigolela vinhu vao kamba vinonda, Nosomola sime jangu, na nowabananga kwa mkono wangu.’

Kupetigwa 27:21

Heyo yamuuzege Eleazali imulava nhosa yeli na dija idibwe da kujuwa gaja igangu. Kwa nzila ayo Eleazali komulongoza Yoshua na iwanhu wose wa Izilaeli mna zimbuli zose.”

Wasemi 20:18

Waizilaeli wachola ako Beseli wamuuza Imulungu, “Kabila gani donda dilongole kuchola kuitowa na iwanhu wa kabila da Benjamini?” Mndewa Imulungu kalonga, “Kabila da Yuda disonge kuchola.”

Wasemi 20:23

Avo, Waizilaeli wachola, wamulilila Mndewa Imulungu mbaka ichungulo. Abaho wamuuza Mndewa Imulungu, “Avo tuchole kabili tukaitowe na ndugu zetu, wanhu wa kabila da Benjamini?” Mndewa Imulungu kawedika, “Choleni mkaitowe na hewo.”

Wasemi 20:28

Finehasi mwanage Eleazali, Eleazali mwanage Haluni, ayo kakala yosang'hana kuulongozi wa disanduku. Waizilaeli wamuuza Mndewa Imulungu, “Vino tuchole kabili tukaitowe na ndugu zetu, iwanhu wa kabila da Benjamini hebu sikutuchole?” Mndewa Imulungu kalonga, “Choleni, mayo nowagela mmakono genu.”

Wasemi 8:4

Gideoni na wayage magana madatu wavika Yolidani, waloka umwambu. Hamoja wakala wadonhile ng'hani, wagendelela kuwakweleleza awo owehila.

1 Samweli 10:22

Avo wamuuza Mndewa Imulungu kabili, “Kuna munhu iyagwe kokwiza?” Mndewa Imulungu kawedika, “Loleni, kaifisa kuna imizigo.”

1 Samweli 14:37

Avo Sauli kamuuza Imulungu, “Vino, ny'hole nikawakoboze Wafilisiti? Kowagela mmakono ga Waizilaeli?” Lakini Mndewa Imulungu hamwidike bule siku dijo.

1 Samweli 23:2

Avo Daudi kamuuza Mndewa Imulungu, “Vilihi, nichole nikawatowe waja Iwafilisiti?” Mndewa Imulungu kamwidika, “Ona, genda ukawatowe Wafilisiti na udikombole buga da Keila.”

1 Samweli 23:4

Avo Daudi kachola kabili kumpula Mndewa Imulungu, na heyo Mndewa Imulungu kamulongela, “Inuka uchole Keila kwavija nowagela Wafilisiti mmakono gako.”

1 Samweli 28:6

Hata viyampulile Mndewa Imulungu, Mndewa Imulungu hamwidike kwa nzozi hebu kwa dibwe da kujuwa goyolonda, hebu kwa nzila ya watula ndagu.

1 Samweli 30:18

Daudi kagombola kila kinhu kisoligwe na Waamaleki, mbaka wehe zake wabili.

1 Samweli 30:19

Chochose kikalile chao, kiwe kidodo hebu kikulu, mwana wa kitwanzi hebu wa kimbigalo, kigomboligwa na Daudi.