1 Samweli 30:6 - Biblia Kikutu

⁶ Avo Daudi kakala na usungu kwavija wanhu zake wakala na ng'hasiliki ya kwagiza iwana, avo walonda kumtowa mabwe. Lakini Daudi, kaigela moyo kwa kumtamanila Mndewa Imulungu, Imulungu wake.

1 Samweli 30:6 ပူးပေါင်းရင်းမြစ်များ

Mwanduso 32:7

Avo, Yakobo kakala moyo nyunguwaa na bwembwe, kawagola wanhu zake mvibumbila vibili, vivija kawagola ng'hondolo na mbuzi na ng'ombe na ngamiya.

2 Samweli 17:8

Komjuwa goya tatako na wanhu zake viwakuwile magalu wa kuitowa, na viwagevuzike kamba simba yabokigwe wanage kupoli. Vivija komjuwa goya tatako viyeli mbala wa kuitowa ng'hondo na ikilo hawasa na iwakalizi.

Zabuli 116:10

Nimtamanila Mndewa Imulungu vinongile, “Niye nigazika ng'hani.”

Zabuli 138:3

Siku dija dinikulilile, gweye kunidika, na kunigangamiza kwa nguvu zako.

Zabuli 18:2

Mndewa Imulungu ayo dibwe jangu, na ngome yangu na mkombola wangu, Imulungu wangu na dibwe jangu dinikimbilile, na ngao ya ukombola wangu na ngome yangu.

Zabuli 18:6

Mmagazo gangu nimkema Mndewa Imulungu, nimulilila Imulungu wangu yanitaze. Kulawa mng'anda yake kahulika sauti yangu, na kililo changu kimvikila mmagwiti gake.

Zabuli 25:17

Unisegesele magazo ga mmoyo wangu, unisegese mmadununzo.

Zabuli 27:14

Mtamanile Mndewa Imulungu, wamba, ufunye umoyo, mbete Mndewa Imulungu!

Zabuli 31:24

Mugangamale na mufunge umoyo, mweye mose mumbeta Mndewa Imulungu!

Zabuli 42:11

Loho yangu habali konyuluka? Habali kuhomba mgati yangu? Mtamanile Imulungu, kwavija niye nomtogola kabili, heyo ayo mkombola wangu na Imulungu wangu.

Zabuli 42:5

Loho yangu habali konyuluka? Habali kuhomba mgati yangu? Mtamanile Imulungu, kwavija niye nomtogola kabili, heyo ayo mkombola wangu.

Zabuli 42:7

Nigaligwa mgamazi mengi, ng'huta za mazi za behi yangu, gogala mibulumo iyagwe, ng'humbi yako ng'hulu ingubika.

Zabuli 56:11

Kwa Imulungu notamanila na sidumba bule. Imunhu konitenda choni?

Zabuli 62:1

Kwa Imulungu yaiyeka loho yangu yobwihila, ukombola wangu olawa kumwake.

Zabuli 62:5

Kwa Imulungu yaiyeka loho yangu yobwihila, tamanilo jangu dolawa kumwake.

Zabuli 71:4

Gweye Imulungu unikombole kulawa mmakono ga wanhu wehile, kulawa kumikombe ya wanhu wehile na wasede.

Zabuli 71:5

Gweye ayo tamanilo jangu, gweye Mkulu Mndewa Imulungu, ayo tamanilo jangu tangu ubwanga wangu.

Kulawa 17:4

Avo Musa kampula ng'hani Mndewa Imulungu kalonga, “Niwatendele choni wanhu wano? Olonda kunhowa mabwe.”

Nongezi 18:10

Twaga da Mndewa Imulungu ayo ngome igangamale, yeli na haki koikimbilila yakawe na tindiwalo.

Kupetigwa 14:10

Lakini iwanhu wose walonda kuwatowa mabwe. Bahaja ukulu wa Mndewa Imulungu oneka uchanha ya dihema da mting'hano, kuulongozi wa iwanhu wose wa Izilaeli.

Matayo 21:9

Wanhu wakalile kuchugu na kuulongozi wa Yesu wakemelela, “Yatogoligwe mwana wa Daudi! Imulungu yamtambikile ija yokwiza kwa twaga da Mndewa! Imulungu yatogoligwe!”

Matayo 27:22

Pilato kawauza, “Nhende choni kwa Yesu yokemigwa Kilisito Mkombola?” Wamwidika, “Muwambe mumsalaba!”

Yohana 8:59

Abaho wadondola mabwe wampigisile, lakini Yesu kaifisa kalawanya Mng'anda ya Imulungu.

Walumi 4:18

Abulahamu katogola na katamanila, hamoja kukala kuduhu kinhu cha kutamanila, na avo kawa tata wa isi nyingi. Kamba Maandiko Gang'alile vigalonga, “Wanhu wa lukolo lwako okuwa wengi.”

Walumi 4:20

Abulahamu halekile kutamanila kiyalongile Imulungu, lakini tamanilo jake kwa Imulungu dimgangamiza na kamgwaa ukulu Imulungu.

Walumi 8:31

Mzimbuli zose zino, tulonge choni, Imulungu yahawa ubanzi wetu, nani yodaha kututenda mbuli yoyose?

2 Wakolinto 1:6

Twahagaya, togaya mbuli ya kuhozigwa kwenu mizoyo na kukomboligwa kwenu. Kamba twahahozigwa mizoyo na mweye vivija mohozigwa mizoyo ili kuwagangamiza mufunge umoyo mna gamagayo kamba vitugaya siye.

2 Wakolinto 4:8

Siku zose togaya, lakini hatuhondigwa, tokona shaka, lakini hatubwela kuchugu,

2 Wakolinto 7:5

Hata vituvikile Makedonia, hatubwihile bule. Kila mwambu tukala na magayo, kunze migomvi na mizoyo yetu imema bwembwe.

Waebulania 13:6

Lekaavo tolonga kwa kugangamala, “Mndewa ayo yonitaza, sidumba bule. Munhu konitenda choni?”

Wasemi 18:25

Wanhu wa kabila da Dani wamulongela, “Gweye unyamale, sambi wanhu weli na ludoko vitwili wakwizile na kukukoma gweye na wanhu wa mng'anda mmwako.”

Wasemi 20:22

Lakini Waizilaeli waigangamiza, waitanda kabili hanhu aho hawaitowile aho haichanduso.

1 Samweli 1:10

Hana kakala na usungu mmoyo wake na kampula Mndewa Imulungu na kakala kolila kwa usungu.

1 Samweli 23:16

Yonatani mwanage Sauli kachola Holeshi kwa Daudi na kamgela moyo kamba kopata nguvu kulawa Imulungu.

1 Samweli 28:15

Samweli kamulongela Sauli, “Habali konigaza kwa kunigala kuno?” Sauli kamulongela, “Niye nogaya ng'hani! Wafilisiti oitowa na niye, na Mndewa Imulungu kandeka. Hanilongela kwa nzila ya watula ndagu hebu nzozi. Lekaavo nikukema ili unilongele kinhu cha kutenda.”