1 Samweli 30:26 - Biblia Kikutu

²⁶ Daudi viyabwelile Sikilagi, kalagiza hanhu ha vinhu visoligwe kuna ing'hondo wagweleligwe mbwiga zake, waja iwavele wa Yuda, kuno kamulongela ija imsenga yawalongele, “Niwagalila nhunza ya vinhu visoligwe kwa iwanhu omwihila Mndewa Imulungu.”

1 Samweli 30:26 ပူးပေါင်းရင်းမြစ်များ

Mwanduso 33:11

Chonde, togola nhunza inikugalile, kwavija Imulungu kanyonela bazi, kangwaa kila kinhu kinonda.” Avo Yakobo kagendelela kumsusumiza mbaka katogola.

2 Samweli 1:1

Sauli viyadanganike na Daudi viyabwelile kulawa kuwahuma Waamaleki, kakala Sikilagi siku mbili.

Zabuli 35:27

Iwanhu odeng'helela haki yangu, walonge, “Mndewa Imulungu mkulu, konogezwa na ukumweda kwa msang'hanaji wake.”

Zabuli 68:18

Vuukwelile uchanha kukwela hamoja na wafungwa, kubokela nhunza kulawa kwa iwanhu, hata kulawa kwa awo okulema gweye, ili gweye Mndewa Imulungu ukale kuko.

2 Wakolinto 9:5

Avo nigesa vinoga kuwapula ndugu wano wanongolele kwiza kumwenu, waitande nhunza yenu ng'hulu yumulongile moilava. Baho yolagusa kuwa nhunza ayo yolavigwa kwa kulonda mweye wenyego, siyo kwa kunanahizigwa.

1 Samweli 18:17

Sauli kamulongela Daudi, “Ino hano mndele wangu imkulu Melabu, nokugwaa umsole kwa malagano mabili, uwe mkalizi wangu galu, na uitowe ng'hondo ya Mndewa Imulungu.” Kwavija Sauli kagelegeza, “Niye simkoma bule kwa mkono wangu, leka Wafilisiti wamkome.”

1 Samweli 25:27

Chonde mkulu wangu bokela vinhu vangu vino vinikugalile, uwagwelele wabwanga iwakukweleleze.

1 Samweli 25:28

Nokupula uzigele kumgongo mbuli zangu zihile niye msang'hanaji wako. Mndewa Imulungu kokutenda mndewa, na ulelo wako okuwa wandewa kwavija gweye go mkulu kuitowa ng'hondo ya Mndewa Imulungu. Siku zose za ugima wako sambi oneke na mbuli yoyose ihile.

1 Samweli 30:20

Vivija Daudi kagasola mabumbila gose ga ng'hondolo na ng'ombe, wanhu zake wawaswaga wanyama awo kuno olonga, “Wano wasoligwa kuing'hondo na Daudi.”

1 Samweli 30:25

Siku dijo Daudi keka lagizo mwiisi ya Izilaeli na kumwande na mbaka lelo.