1 Samweli 30:22 - Biblia Kikutu

²² Lakini wanhu wose wehile na wasede wailongoze na Daudi, walonga, “Hatuwagwaa kinhu chochose wanhu wano kigomboligwe na siye, kwavija hawacholile hamoja na siye. Na wasole wehe zao na wanao walawanye.”

1 Samweli 30:22 ပူးပေါင်းရင်းမြစ်များ

Matayo 7:12

“Avo watendeleni wayagwe gaja gose gomulonda mweye kutendeligwa, kwavija dino dijo fambulo da Malagizo ga Musa na mafundizo ga watula ndagu wa Imulungu.

Kumbukumbu 13:13

kamba wanhu wayagwe wehile hagati yenu wawateweza wanhu iwokala kudibuga walonga, ‘Tucholeni tukaitambikile imilungu iyagwe,’ imilungu ayo hamuijuwile bule,

Wasemi 19:22

Viwakalile woja na kudeng'ha, wambigalo wayagwe wehile wa kudibuga dijo weza waizunguluka ing'anda na wagong'onda ulwivi. Wamulongela imvele mwene ng'anda, “Mulave kunze ayo imbigalo yengile mng'anda tumuwase.”

1 Samweli 22:2

Wanhu wose wakalile na magazo, na wanhu wakalile odaigwa na waja wanyunyuwale wailumba hamoja na Daudi. Wanhu wose wailumbile wavika magana mane na Daudi kakala kilongozi wao.

1 Samweli 25:17

Avo uigese mbuli ino na ujuwe va ukutenda. Mbuli ino yodaha kugala vinhu vihile kwa mkulu wetu na wanhu wa mng'anda yake. Heyo munhu yehile ng'hani avo kuduhu munhu yodaha kulonga na heyo.”

1 Samweli 25:25

Sikuumgelegeze Nabali munhu yehile kamba vidili twaga jake Nabali, vivo na heyo viyeli. Heyo kokemigwa Nabali fambulo jake mbozi, niye msang'hanaji wako siwonile awo iwabwanga wautumile.

1 Samweli 30:21

Daudi kawabwelela iwanhu magana mabili walekigwe hana ikizanda cha Besoli, kwavija wakala wadonhile kumkweleleza. Viwamonile Daudi na waja yakalile nao, wachola kumbokela. Daudi viyavikile behi nao, kawalamusa.

1 Samweli 30:23

Daudi kawalongela, “Ndugu zangu haiwaga avo bule. Sikumtende avo kwa kija kitugweleligwe na Mndewa Imulungu. Katwika goya, na kadigela mmakono getu bumbila dizile kutuvamila.