1 Samweli 3:19 - Biblia Kikutu

¹⁹ Avo Samweli kagendelela kukula, na Mndewa Imulungu kakala hamoja na heyo, na kagavikiza gose gayalongile Samweli na kuduhu hata mbuli imoja ilekile kuvikizwa.

1 Samweli 3:19 ပူးပေါင်းရင်းမြစ်များ

Mwanduso 21:22

Kipindi acho, Abimeleki hamoja na Fikoli, mkulu wa wakalizi wake, kamulongela Abulahamu, “Kila kinhu kiutenda Imulungu kahamoja na gweye.

Mwanduso 28:15

Niye na hamoja na gweye, kokose konda uchole niye nokulola na nokubweza mwiisi ino. Sikuleka mbaka vonda nisang'hane gaja ganikulongele.”

Mwanduso 39:2

Mndewa Imulungu kakala na Yusufu na kamtenda yamwede, kakala mng'anda ya mkulu ayo Mmisili.

Mwanduso 39:3

Mkulu ayo viyajuwile kamba Mndewa Imulungu kakala na Yusufu na Mndewa kamtenda yamwede kwa kila kinhu kiyatendile,

Matayo 1:23

“Mhambe kogoga inda, na kolela mwana wa kimbigalo, nao omkema Imanueli,” fambulo jake, “Imulungu kahamoja na siye.”

Luka 1:28

Msenga ija kamcholela Malia, kamulongela, “Zihoze! Mndewa kahamoja na gweye. Nayo kakunogela ng'hani!”

Luka 1:80

Imwana ija kagendelela kukula lukuli na kawa na nguvu mwiiloho. Kakala kuluwala mbaka siku dija viyalawilile mgameso ga wanhu wa Izilaeli.

Luka 2:40

Imwana kakula na kawa mbala goya, kakala yamemile nzewele, na ng'hekewa ya Imulungu ikala kumwake.

Luka 2:52

Yesu kakula lukuli na ubala, kanogeligwa na Imulungu hamoja na wanhu.

2 Wakolinto 13:11

Avo ndugu zangu, nowalaga! Wambeni kukala mutelele, gogeni mbuli zangu, muilumbe, kaleni moyo hole. Nayo Imulungu wa unogelwa na tindiwalo kokuwa hamoja na mweye.

2 Wakolinto 13:14

Ng'hekewa ya Mndewa Yesu Kilisito na unogelwa wa Imulungu kwa kuilumba na Loho Yang'alile, vikale na mweye mose.

Kumbukumbu 18:22

Kamba mtula ndagu yahalonga mbuli kwa twaga da Mndewa Imulungu, na mbuli ayo hailawilile hebu siyo kweli, mbuli ayo hailongigwe na Mndewa Imulungu, avo mtula ndagu ayo kalonga kwa kuitapa, mweye sikumumdumbe.

2 Timoseo 4:22

Mndewa yakale na gweye, ng'hekewa ya Imulungu ikale na mweye mose.

Yoshua 21:45

Kuduhu hata mbuli imoja mna zimbuli ziyalongile Mndewa Imulungu kwa iwanhu wa Izilaeli iswelile kutendigwa, mbuli zose zivikizwa.

Wasemi 13:24

Abaho mwehe wa Manoa kaifungula mwana wa kimbigalo, na kamgwaa twaga Samsoni. Mwana ayo kakula na Mndewa Imulungu kamtenda yamwede.

1 Samweli 10:7

Avo vahakulawilila vinhu avo, chochose chuulonda kutenda, kitende kwavija Imulungu kahamoja na gweye.

1 Samweli 12:2

Sambi, muna mndewa wakuwalongoza. Niye namvele, wanangu wa kimbigalo wa hamoja na mweye. Ng'hala kilongozi wenu tangu ving'halile mbwanga.

1 Samweli 16:18

Msang'hanaji wake imoja kamulongela, “Nimona mbwanga imoja wa Yese, wa buga da Beselehemu, mbwanga ayo kana udahi wa kutowa bango na galu na koitowa ng'hondo vinogile, na kolonga mbuli zinogile na kanoga, Mndewa Imulungu kahamoja na heyo.”

1 Samweli 18:12

Sauli kakala yomdumba Daudi kwavija Mndewa Imulungu kamuleka heyo na kakala hamoja na Daudi.

1 Samweli 18:14

Daudi kila kinhu kiyatendile kakala yodaha kwavija Mndewa Imulungu kakala hamoja na heyo.

1 Samweli 18:5

Chochose kiyatumigwe Daudi na Sauli kutenda kakitenda goya, avo Sauli kamtenda yawe mkulu wa iwakalizi, mbuli ayo iwanogeza wanhu hamoja na wasang'hanaji wa Sauli.

1 Samweli 2:21

Mndewa Imulungu kamonela bazi Hana nayo kagoga inda na kalela wana wadatu wa kimbigalo na wana wabili wa kitwanzi. Imbwanga Samweli kagendelela kukula mna ukumsang'hanila Mndewa Imulungu.

1 Samweli 2:26

Avo imbwanga Samweli kagendelela kukula na kanogeligwa na Mndewa Imulungu na iwanhu.

1 Samweli 9:6

Lakini ayo imsang'hanaji kamwidika, “Beta tanhu, kudibuga dino kuna munhu wa Imulungu, na wanhu omtogola ng'hani kila kinhu choolonga chokuwa vivo. Avo tuchole tukamulongele sengine kodaha kutulongela mwanza wetu okuwaze.”