1 Samweli 25:42 - Biblia Kikutu

⁴² Abigaili kalopola, kakwela kihongwe wake, na wasang'hanaji zake watano wa kitwanzi wamkweleleza kwa migulu, kailongoza hamoja na wasang'hanaji wa Daudi, nayo kawa mwehe wa Daudi.

1 Samweli 25:42 ပူးပေါင်းရင်းမြစ်များ

2 Samweli 2:2

Avo Daudi kachola Hebuloni hamoja na wehe zake wabili, Ahinoamu wa Yezileeli na Abigaili yakalile mwehe wa Nabali, yalawile buga da Kalimeli.

2 Samweli 3:2

Wana wa kimbigalo wa Daudi yawalelile ako Hebuloni, wakala Amnoni yakalile chaudele, mamake kakala Ahinoamu kulawa Yezileeli.

2 Samweli 3:3

Kileabu kakala wa kabili, mamake kakala Abigaili yakalile mwehe wa Nabali kulawa Kalimeli, Abisalomu kakala wa kadatu, mamake kakala Maaka mndele wa mndewa Talimai wa Geshuli.

1 Samweli 27:3

Daudi na ndugu zake na wanhu zake wakala hamoja na Akishi ako Gati. Daudi kakala na wehe wabili, Ahinoamu kulawa Yezileeli na Abigaili yakalile mwehe wa Nabali wa buga da Kalimeli.

1 Samweli 30:5

Wehe wabili wa Daudi, Ahinoamu kulawa Yezileeli na Abigaili yakalile mwehe wa Nabali kulawa Kalimeli, hewo vivija wakala wagogigwe.