1 Samweli 25:39 - Biblia Kikutu

³⁹ Daudi viyahulike Nabali kadanganika kalonga, “Nhogolwa zimgendele Mndewa Imulungu yambwezele gehile Nabali yaniligile. Mndewa Imulungu kanihonya, sambi nitende gehile. Mndewa Imulungu kamtagusa Nabali kwa mbuli zake zihile.” Abaho Daudi kawatuma wanhu wakamsole Abigaili ako Kalimeli yawe mwehe wake.

1 Samweli 25:39 ပူးပေါင်းရင်းမြစ်များ

2 Samweli 1:16

Daudi kakala yamulongele Imwamaleki, “Ifa yako ya mmakono gako, kwavija kuilavila usindila gweye mwenyego kwa mulomo wako kulonga, ‘Nimkoma munhu yasaguligwe na Mndewa Imulungu.’”

Zabuli 7:16

Kilozo chake kimbwelela mdipala jake mwenyego, na ago gehile gake gombwelela mdindosi jake.

Zabuli 9:5

Kuwakomhokela iwanhu wa isi ziyagwe, na kuwabananga iwanhu wehile, matwaga gao kugasegesa siku zose na milele.

Nongezi 18:22

Munhu yozahila mwehe kozahila kinhu kinogile, na kopata ganogile kulawa kwa Mndewa Imulungu.

Nongezi 19:14

Ng'anda na ugoli awo uhazi munhu kopata kwa tatake, lakini mtwanzi yeli na nzewele munhu kogweleligwa na Mndewa Imulungu.

Nongezi 22:23

Kwavija Mndewa Imulungu kowagombela, kowaboka ugima wao awo owadununza.

Nongezi 31:10

Mwehe mwene tabiya inogile kopatikana kwahi? Bei yake ng'hulu kubanza dibwe da bei ng'hulu!

Nongezi 31:30

Usamhu samhu odaha kuwa uvizi na unovu odaha kubita, lakini mtwanzi yomdumba Mndewa Imulungu kotogoligwa.

2 Wakolinto 13:7

Avo tompula Imulungu sikumutende mbuli yoyose ihile. Siyo kamba tolonda wanhu watugese siye tuhuma, lakini mweye mutende ganogile hata kamba siye tokoneka tulemelwa.

1 Wasesalonike 5:23

Imulungu mwenyego iyotugwaa tindiwalo yawatende muwe wang'alile ng'hani na kwika unhu wenu na loho na mizoyo na lukuli kutali na ubananzi wowose, mna ikipindi cha kubwela Mndewa wetu Yesu Kilisito.

2 Timoseo 4:18

Mndewa komhonya na gehile gose, na konigala muundewa wake wa kuulanga. Ukulu uwe kwa Imulungu siku zose. Ona.

Wasemi 5:2

“Vilongozi viwawalongoze Waizilaeli kuing'hondo, wanhu viwailavile kwa kulonda wenyego, Mndewa Imulungu yatogolwe!

1 Samweli 24:15

Avo Mndewa Imulungu ayo yonda yalamule hagati ya gweye na niye. Heyo yailole goya mbuli ino, yangombele na kunigombola mmkono gako.”

1 Samweli 25:26

“Avo mkulu wangu, kamba vija Mndewa Imulungu viyokala, na gweye viukala, kamba Mndewa Imulungu viyakugomese kuliha gehile kwa kwita damu kwa makono gako, leka iwanhu okwihila na waja olonda gehile gakupate waduwiligwe kamba Nabali.

1 Samweli 25:32

Daudi kamulongela Abigaili, “Yagweleligwe nhogolwa Mndewa Imulungu, Imulungu wa Izilaeli, yakulagize wize kumwangu lelo.

1 Samweli 25:34

Kwavija Mndewa Imulungu, Imulungu wa Izilaeli, kangomesa sambi nikutendele mbuli ihile, kamba viyokala maza hulopole kwiza kuiting'hana na niye, mayo imitondo sambi yasigale mbigalo yoyose kwa Nabali.”

1 Samweli 25:40

Waja wasang'hanaji wa Daudi viwavikile kwa Abigaili ako Kalimeli, wamulongela, “Daudi katulagiza twize kukusola ili uwe mwehe wake.”

1 Samweli 26:10

Kamba Mndewa Imulungu viyokala, Mndewa Imulungu komkoma Sauli, hebu siku yake ya kudanganika yovika hebu kochola kuing'hondo na kuko kokomigwa.