1 Samweli 25:10 - Biblia Kikutu

¹⁰ Abaho Nabali kawalongela wasang'hanaji wa Daudi, “Daudi ayo nani? Mwanage Yese ayo nani? Siku zino kuna wasang'hanaji wengi iwokimbila wandewa zao.

1 Samweli 25:10 ပူးပေါင်းရင်းမြစ်များ

2 Samweli 20:1

Avo, kukala na munhu yehile ng'hani twaga jake Sheba mwanage Bikili, Mbenjamini, katowa mhalati yake kwa nguvu kalonga, “Twabule fungu kwa Daudi, Twabule kinhu kwa mwanage Yese. Mweye wanhu wa Izilaeli, Kila munhu yachole ukayake.”

Kulawa 5:2

Lakini Falao kawauza, “Mndewa Imulungu ayo nani mbaka nimtegeleze na niwaleke Waizilaeli wasegele? Niye simjuwile bule ayo Mndewa Imulungu, na siwaleka Waizilaeli wasegele.”

Nongezi 15:1

Ng'hasiliki yokwisha, kwa kwidika kwa uhole, lakini mbuli ilumiza yogala ng'hasiliki.

Wasemi 9:28

Gaali, mwanage Ebedi, kalonga, “Abimeleki ayo nani? Siye hano Shekemu twa wanhu gani mbaka tumsang'hanile Abimeleki? Vino heyo siyo mwanage Yelubaali na Zebuli kekigwa yawe kilongozi? Mweye msang'hanileni Hamoli tatake Shekemu, sikumumsang'hanile Abimeleki.

1 Samweli 20:30

Avo Sauli kamgevuzikila Yonatani kamulongela, “Gweye mwana wa mtwanzi msede na yehile, nojuwa kamba kumsagula mwana wa Yese kwa kinyala chako mwenyego, na kwa kinyala cha mamako yakulelile!

1 Samweli 22:2

Wanhu wose wakalile na magazo, na wanhu wakalile odaigwa na waja wanyunyuwale wailumba hamoja na Daudi. Wanhu wose wailumbile wavika magana mane na Daudi kakala kilongozi wao.

1 Samweli 25:9

Waja iwabwanga wa Daudi viwavikile wamulongela Nabali kamba viwalagizwe na Daudi, abaho wabeta kidogo.