1 Samweli 23:2 - Biblia Kikutu

² Avo Daudi kamuuza Mndewa Imulungu, “Vilihi, nichole nikawatowe waja Iwafilisiti?” Mndewa Imulungu kamwidika, “Ona, genda ukawatowe Wafilisiti na udikombole buga da Keila.”

1 Samweli 23:2 ပူးပေါင်းရင်းမြစ်များ

2 Samweli 2:1

Viibitile mbuli ayo, Daudi kamuuza Mndewa Imulungu, “Vino, ny'hole kudibuga dimoja mna gamabuga ga Yuda?” Mndewa Imulungu kamulongela, “Genda!” Daudi kamuuza, “Ny'hole buga gani?” Mndewa Imulungu kamulongela, “Genda kudibuga da Hebuloni.”

2 Samweli 5:19

Daudi kamuuza Mndewa Imulungu, “Vino, ny'hole kuwavamila Wafilisiti? Vino, kowagela mmakono gangu?” Mndewa Imulungu kamulongela Daudi, “Genda nowagela mmakono gako.”

2 Samweli 5:23

Avo Daudi kamuuza Mndewa Imulungu, Mndewa Imulungu kamwidika, “Sikuuwavamile baho kuwili, lakini wazunguluke kukisogo uwavamile umwambu uilola na mibiki ya mifolosadi.

Zabuli 32:8

Imulungu kolonga, “Nokufunza na kukulagusila nzila yuulondigwa kubita, nokuzuma na siso jangu dokulola gweye.

Kupetigwa 27:21

Heyo yamuuzege Eleazali imulava nhosa yeli na dija idibwe da kujuwa gaja igangu. Kwa nzila ayo Eleazali komulongoza Yoshua na iwanhu wose wa Izilaeli mna zimbuli zose.”

Yoshua 9:14

Avo Waizilaeli wavibokela vinhu avo, na hawamuuzile bule Mndewa Imulungu.

Wasemi 1:1

Yoshua viyafile iwanhu wa Izilaeli wamuuza Mndewa Imulungu, “Kabila gani dolongola kuchola kuitowa na Wakanaani?”

1 Samweli 10:22

Avo wamuuza Mndewa Imulungu kabili, “Kuna munhu iyagwe kokwiza?” Mndewa Imulungu kawedika, “Loleni, kaifisa kuna imizigo.”

1 Samweli 14:37

Avo Sauli kamuuza Imulungu, “Vino, ny'hole nikawakoboze Wafilisiti? Kowagela mmakono ga Waizilaeli?” Lakini Mndewa Imulungu hamwidike bule siku dijo.

1 Samweli 23:3

Lakini wanhu zake Daudi wamulongela, “Kamba hano hatwili isi ya Yuda todumba, yokuwaze twahachola Keila kuitowa na wakalizi wa Wafilisiti?”

1 Samweli 23:4

Avo Daudi kachola kabili kumpula Mndewa Imulungu, na heyo Mndewa Imulungu kamulongela, “Inuka uchole Keila kwavija nowagela Wafilisiti mmakono gako.”

1 Samweli 23:6

Avo Abiatali, mwanage Ahimeleki viyakimbilile Keila kwa Daudi, kachola na kikoti cha mulava nhosa.

1 Samweli 30:8

Daudi kamuuza Mndewa Imulungu, “Vino, nidikweleleze bumbila dino da iwabavi? Nahawakweleleza nowapata?” Mndewa Imulungu kamwidika, “Wakweleleze kowavika na kowakombola awo wasoligwe.”