1 Samweli 22:2 - Biblia Kikutu

² Wanhu wose wakalile na magazo, na wanhu wakalile odaigwa na waja wanyunyuwale wailumba hamoja na Daudi. Wanhu wose wailumbile wavika magana mane na Daudi kakala kilongozi wao.

1 Samweli 22:2 ပူးပေါင်းရင်းမြစ်များ

2 Samweli 17:8

Komjuwa goya tatako na wanhu zake viwakuwile magalu wa kuitowa, na viwagevuzike kamba simba yabokigwe wanage kupoli. Vivija komjuwa goya tatako viyeli mbala wa kuitowa ng'hondo na ikilo hawasa na iwakalizi.

2 Samweli 5:2

Ako umwaka Sauli viyakalile mndewa, gweye ayo uwalongoze Waizilaeli kung'hondo, na Mndewa Imulungu kakulongela, ‘Gweye kowasusila wanhu wangu wa Izilaeli, na gweye kokuwa mtawala wao.’ ”

Nongezi 31:6

Mgwelele ugimbi munhu yonda kudanganika, wagwelele divai wanhu okona usungu ng'hani,

Matayo 11:12

Kulawa kipindi cha Yohana Mbatizaji mbaka sambi, wanhu waulema kwa nguvu Undewa wa kuulanga na wanhu wene nguvu ogeza kuuboka.

Matayo 11:28

“Izoni kumwangu mweye mose mugaya na kulemelwa na mizigo mikulu, na niye nowatenda mubwihile.

Waebulania 2:10

Ikala vinoga kwa Imulungu, yaumbile na kuvika goya vinhu vose, na kamtenda Yesu yawe viyali kubitila madununzo, ili yawagale wana wengi muukulu wake. Kwavija Yesu ayo yowakombola wanhu.

Wasemi 11:3

Avo, Yefisa kawakimbila ndugu zake kachola kukala mwiisi ya Tobu. Ako wanhu wene vimvoko waiting'hana na kuilumba na heyo, wamkweleleza mna imiyanza yake.

Wasemi 18:25

Wanhu wa kabila da Dani wamulongela, “Gweye unyamale, sambi wanhu weli na ludoko vitwili wakwizile na kukukoma gweye na wanhu wa mng'anda mmwako.”

1 Samweli 1:10

Hana kakala na usungu mmoyo wake na kampula Mndewa Imulungu na kakala kolila kwa usungu.

1 Samweli 22:3

Daudi viyalawile kuja, kachola mbaka Misipa mwiisi ya Moabu. Kamulongela mndewa wa Moabu, “Chonde nokupula tatangu na mamangu walawe kuja kuweli weze wakale hano kumwako mbaka nahajuwa Imulungu chonda yanhendele.”

1 Samweli 23:13

Avo Daudi hamoja na wanhu zake ovika kamba magana sita, wasegela wachola hanhu mbaka hanhu, Sauli viyahulike kamba Daudi kasegela Keila, hacholile kuko bule.

1 Samweli 25:13

Avo, Daudi kawalongela wanhu zake, “Kila munhu yavale sime jake mkigudi.” Kila munhu kavala sime jake mkigudi nayo Daudi kavala sime jake, wanhu magana mane wamuwinza Daudi na wanhu magana mabili wasigala na mizigo.

1 Samweli 30:6

Avo Daudi kakala na usungu kwavija wanhu zake wakala na ng'hasiliki ya kwagiza iwana, avo walonda kumtowa mabwe. Lakini Daudi, kaigela moyo kwa kumtamanila Mndewa Imulungu, Imulungu wake.

1 Samweli 9:16

“Mayo saa kamba ino nokugalila munhu wa isi ya kabila da Benjamini. Umgidile mavuta yawe kilongozi wa wanhu zangu wa Izilaeli, heyo kowagombola wanhu zangu kulawa kwa Wafilisiti. Nigona magazo ga iwanhu zangu na kililo chao kinivikila.”