1 Samweli 20:5 - Biblia Kikutu

⁵ Daudi kamulongela, “Mayo nyimwilinyimwili ya kusimbuka kwa mbalamwezi, maza na niye nahakuwile hana imeza noja hamoja na mndewa. Lakini leka nikaifise kuna umgunda mbaka siku ya kadatu ichungulo.

1 Samweli 20:5 ပူးပေါင်းရင်းမြစ်များ

Zabuli 55:12

Maza imunhu yonihila yaniligile, nahagelile kumgongo, maza imunhu yonihila yainule kumwangu, nahaifisile sikuyanyone.

Zabuli 81:3

Toweni mhalati mbalamwezi yahema, na kipindi cha mbalamwezi yahakangala, kipindi cha nyimwilinyimwili yetu.

Nongezi 22:3

Munhu mbala yahagona gehile koifisa, lakini mizozolo olawa kunze wakalumile.

Kupetigwa 10:10

Vivija mna ikipindi chenu cha kudeng'helela, kamba vija nyimwilinyimwili za kusimbuka kwa mbalamwezi na nyimwilinyimwili ziyagwe, mozitowa mhalati azo kipindi vimulava nhosa zenu za kusoma moto na nhosa zenu za kugala kuilumba. Baho niye Mndewa Imulungu, Imulungu wenu nowakumbuka. Niye ayo Mndewa Imulungu, Imulungu wenu.”

Kupetigwa 28:11

Na kila mwezi viusonga, munilavile niye Mndewa Imulungu nhosa ya kusoma moto, ng'ombe mbigalo wabili, ng'hondolo mbigalo imoja na wana ng'hondolo mbigalo saba wa mwaka umoja, wose awo sikuwawe na kilema chochose.

Yohana 8:59

Abaho wadondola mabwe wampigisile, lakini Yesu kaifisa kalawanya Mng'anda ya Imulungu.

Sang'hano 17:14

Bahaja wanhu wamtogole Yesu wamgala Paulo mwhani lakini Sila na Timoseo wasigala Beleya.

Wakolosai 2:16

Avo sikumumtogolele munhu yoyose yawataguse kwa mbuli ya kuja, hebu kung'wa, hebu nyimwilinyimwili, hebu nyimwilinyimwili za kwima kwa mbalamwezi, hebu siku ya Kubwihila.

1 Samweli 19:2

Avo kamulongela Daudi, “Tatangu kolonda kukukoma. Avo mayo imitondo uiteganye, uchole ukaifise hanhu ha kifiso na ukale kuko.

1 Samweli 20:18

Abaho Yonatani kamulongela Daudi, “Mayo mbalamwezi yosimbuka, wanhu ojuwa kwahaduhu kwavija ochona kigoda chako chabule munhu.

1 Samweli 20:19

Abaho kisindo kila munhu kojuwa kwahaduhu. Siku dijo uchole ukaifise hanhu hauifisile kipindi mbuli ino viisongile, ukaifise kwinzingo ya dibwe dija da Ezeli.

1 Samweli 20:24

Avo kuna inyimwilinyimwili ya kusimbuka kwa mbalamwezi, Daudi kaifisa mumgunda. Sauli kakala hana imeza ili yaje.

1 Samweli 20:27

Siku ya kabili ya kusimbuka kwa mbalamwezi, kigoda cha Daudi kikala chabule munhu, Sauli kamuuza mwanage Yonatani, “Habali Daudi hezile kuja mayo na lelo?”

1 Samweli 20:4

Yonatani kamulongela, “Chochose chuulonda nokutendela.”

1 Samweli 20:6

Tatako yahajuwa kamba niye nahabule mulongele, ‘Daudi kandaga kachola kuna dibuga da Beselehemu kuilumba na lukolo lwake kulava nhosa ya mwaka.’