1 Samweli 20:41 - Biblia Kikutu

⁴¹ Ija imbwanga viyasengele, Daudi kenuka na kalawa aho kuna idibwe da Ezeli kuyaifisile, kamwinamila Yonatani miyanza midatu waifagatila kuno olila kwa usungu ila Daudi kakala na usungu kubanza Yonatani.

1 Samweli 20:41 ပူးပေါင်းရင်းမြစ်များ

Mwanduso 29:11

Abaho Yakobo kamnonela Laheli kwa deng'ho mbaka mahozi gamulawa.

Mwanduso 29:13

Labani viyahulike mbuli za Yakobo, mwihwage, kalopola kumbokela, kamfagatila na kumnonela, kamgoneka ukae kumwake. Yakobo kampetela mbuli zose zilawilile.

Mwanduso 33:4

Esau kamkimbilila kumbokela Yakobo, kamfagatila na kamnonela, wose wabili wakala olila.

Mwanduso 42:6

Kipindi acho Yusufu iyo yakalile mkulu ako Misili. Heyo iyo yakalile mkulu wa kuwauzila ndiya wanhu wa isi zose. Avo ndugu zake weza wamfugamila Yusufu na wamgwaa ukulu.

Mwanduso 43:28

Wamwidika, “Msang'hanaji wako, tataetu, kogendelela goya, na yang'hali mgima.” Abaho wamfugamila mbaka hasi.

Mwanduso 45:15

Kuno yang'hali kolila Yusufu kawafagatila ndugu zake na kawanonela. Baho ndugu zake walonga nayo.

2 Samweli 1:2

Siku da kadatu, munhu imoja kulawa kuna ing'hambi ya Sauli, kuno viwalo vake videgigwa na kana mitimbwisi kudipala kwa usungu, kamcholela Daudi. Viyavikile behi na Daudi kaibwanha hasi haulongozi wake.

2 Samweli 1:26

Noiyalala mbuli yako, ndugu yangu Yonatani, kukala uninogela ng'hani, unogelwa wako haulongeka, ubanza unogelwa wa mtwanzi.

2 Samweli 14:4

Ija imtwanzi wa Tekoa kachola kwa mndewa, kafugama hasi kingubanguba haulongozi wa mndewa, kalonga, “Go mndewa nitaze!”

2 Samweli 19:39

Avo, wanhu wose waloka Yolidani, na mndewa nayo kaloka. Mndewa kamnonela Balizilai na kamtambikila, abaho Balizilai kabwela ukayake.

2 Samweli 9:6

Avo, Mefibosheti mwanage Yonatani mzukulu wa Sauli viyavikile kwa mndewa Daudi kamfugamila kaidulika mbaka hasi. Daudi kamkema, “Mefibosheti.” Heyo kamwidika, “Iyo niye msang'hanaji wako.”

Sang'hano 20:37

Wanhu wose wakala olila na kumulaga kwa kumuhagatila na kumnonela kwa unogelwa mkulu.

1 Samweli 10:1

Samweli kasola tabatilo ndodo ya mavuta na kamgidila Sauli kudipala, kamnonela na kamulongela, “Mndewa Imulungu kakusagula uwe kilongozi wa wanhu zake.

1 Samweli 18:3

Kwavija Yonatani kakala komnogela Daudi na kamwika muumoyo wake, katenda lagano na heyo.

1 Samweli 20:40

Yonatani kamgwaa ija imbwanga imisale na upinde kamulongela, “Gweye bwela kudibuga.”

1 Samweli 24:9

Daudi kamulongela, “Habali kowatogolela wanhu iwokulongela kamba niye nolonda kukukoma?

1 Samweli 25:23

Abigaili viyamonile Daudi kahumuluka mkihongwe kaidulika mbaka hasi haulongozi ha Daudi.