1 Samweli 20:31 - Biblia Kikutu

³¹ Gweye, hujuwa kamba Daudi yahawa mgima gweye hudaha kuwa mndewa wa isi ino. Avo genda ukamgale kumwangu, kwavija kolondigwa yakomigwe.”

1 Samweli 20:31 ပူးပေါင်းရင်းမြစ်များ

2 Samweli 12:5

Daudi viyagahulike gago kagevuzika ng'hani mbuli ya ayo imgoli. Kamulongela mtula ndagu Natani, “Kamba Mndewa Imulungu viyokala, munhu yatendile mbuli ayo kolondigwa yakomigwe,

2 Samweli 19:28

Lukolo lugima lwa tatangu lulondigwa lufagiligwe, lakini kunika niye msang'hanaji wako noja mwiimeza yako. Vino nina choni mbaka nigendelele kukulilila mndewa kubanza ago gaung'hendele?”

Zabuli 79:11

Kililo cha usungu cha iwafungwa kivike kuulongozi wako, kwa nguvu za mkono wako wakalize waja watagusigwe kufa.

1 Samweli 19:6

Sauli kamtegeleza Yonatani, abaho kaiduwila, “Kamba Mndewa Imulungu viyokala, simkoma bule Daudi.”

1 Samweli 20:30

Avo Sauli kamgevuzikila Yonatani kamulongela, “Gweye mwana wa mtwanzi msede na yehile, nojuwa kamba kumsagula mwana wa Yese kwa kinyala chako mwenyego, na kwa kinyala cha mamako yakulelile!

1 Samweli 20:8

Avo unhendele ganogile kwavija kwika lagano na niye msang'hanaji wako, haulongozi wa Mndewa Imulungu. Lakini kamba kuna mbuli ihile inhendile ng'home gweye mwenyego. Habali ungale kwa tatako ili yang'home?”

1 Samweli 23:17

Kamulongela, “Sikuudumbe, tatangu hakugoga bule, gweye kokuwa mndewa wa Izilaeli, na niye nokuwa wakabili yako. Hata tatangu Sauli koijuwa mbuli ayo.”

1 Samweli 26:16

Mbuli yutenda hainogile. Noiduwila kamba Mndewa Imulungu viyokala, gweye na wanhu zako molondigwa mukomigwe, kwavija hamumkalize mndewa wenu, yasaguligwe na Mndewa Imulungu. Avo mgoha wa mndewa na kija ikibuyu cha mazi kikalile behi na pala jake va kwahi?”