1 Samweli 20:30 - Biblia Kikutu

³⁰ Avo Sauli kamgevuzikila Yonatani kamulongela, “Gweye mwana wa mtwanzi msede na yehile, nojuwa kamba kumsagula mwana wa Yese kwa kinyala chako mwenyego, na kwa kinyala cha mamako yakulelile!

1 Samweli 20:30 ပူးပေါင်းရင်းမြစ်များ

Nongezi 14:29

Munhu yoleka kugevuzika himahima kotanga goya, yogevuzika himahima kolagusa ubozi.

Nongezi 15:2

Lulimi lwa munhu yeli na ubala lolonga goya mbuli za kutanga vinhu, lakini kulawa mmulomo wa munhu mbozi kokwita ubozi.

Nongezi 19:12

Ng'hasiliki ya mndewa kamba simba yong'ula, lakini unogelwa wake kamba tungwe uchanha ya minoga.

Nongezi 19:19

Munhu yeli na ng'hasiliki ng'hulu kopata nhaguso, kwavija wahamulekela mwanza umoja kolondigwa umulekele kabili.

Nongezi 21:24

Munhu yeli na bezi na kuitapa twaga jake, “Mkuduzi” Kosang'hana mbuli kwa kuitapa na kibuli kiyelinacho.

Nongezi 25:28

Kamba buga dilibule ukalizi kipindi vidivamiligwa, vivo viili kwa munhu yolemelwa kuikimila ng'hasiliki yake mwenyego.

Nongezi 27:3

Dibwe zito na msanga vivija, lakini kugazigwa na mbozi kubanza ng'hani.

Matayo 5:22

Lakini niye nowalongeleni munhu yoyose yomwihila ndugu yake kotagusigwa. Munhu yoyose yombeza ndugu yake kolondigwa yagaligwe kukitala, na munhu yoyose yomkema ndugu yake, ‘Mbozi!’ ayo kolondigwa yengile muumoto wa jehanamu.

Waefeso 4:31

Sikuukone usungu, sikumuding'huke na kugevuzika. Sikumuibamilile hebu kuiliga, sikumuihile kwa mbuli yoyose.

Waefeso 6:4

Na mweye kina tata sikumuwagevuze wanenu ila waleleni goya na wafundizeni mafundizo ga Kilisito.

1 Samweli 20:29

Kanongela, ‘Nhogolela nichole kwa ndugu zangu, kwavija ndugu zangu olava nhosa kuna dibuga jetu, ndugu zangu wanilongela nichole, avo kamba konhogolela nichole kwa ndugu zangu.’ Lekaavo humona hana imeza ya mndewa.”

1 Samweli 20:31

Gweye, hujuwa kamba Daudi yahawa mgima gweye hudaha kuwa mndewa wa isi ino. Avo genda ukamgale kumwangu, kwavija kolondigwa yakomigwe.”