1 Samweli 20:3 - Biblia Kikutu

³ Daudi kaiduwila, “Tatako kojuwa goya vija vuuninogela avo kokufisa chonda yatende kumwangu ili sambi ugevuzike, lakini noiduwila kamba Mndewa Imulungu viyeli mgima, na gweye vuuli mgima, hanili niye na ifa ya baho.”

1 Samweli 20:3 ပူးပေါင်းရင်းမြစ်များ

2 Samweli 15:21

Lakini Itai kamwidika mndewa, “Kamba Mndewa Imulungu viyokala na kamba mndewa wangu viyokala, hohose mndewa wangu honda yawe, na niye msang'hanaji wako baho honda niwe, iwe muugima hebu mwiiifa.”

Zabuli 116:3

Nzabi za ifa zinizunguluka, bwembwe da ifa dingubika, nimema magazo na usungu.

Kumbukumbu 28:66

Siku zenu zose mokala kwa kunyawanyawa, imisi na ikilo mokala kwa kudumba mbuli ya ugima wenu.

Kumbukumbu 6:13

Mdumbeni Mndewa Imulungu, Imulungu wenu, mumsang'hanile heyo yaiyeka, na muiduwile kwa twaga jake.

Waebulania 6:16

Wanhu wahaiduwila, otambula twaga da munhu yeli mkulu kubanza hewo na kuiduwila kolagusa ukweli wa kija kilongigwe na komambukiza kuibamilila.

1 Samweli 1:26

Hana kalonga, “Go mkulu wangu! Kweli kamba viukala mgima mkulu wangu, niye ayo mtwanzi ija yemile kuulongozi wako, na kumpula Mndewa Imulungu.

1 Samweli 17:55

Sauli viyamonile Daudi kachola kuitowa na Goliati, kamuuza Abineli mkulu wa iwakalizi zake, “Ino vino mwanage nani?” Abeneli kamulongela, “Go mndewa kamba viwili mgima hata twaga jake sidijuwile bule.”

1 Samweli 20:2

Yonatani kamulongela, “Hukomigwa bule. Tatangu hatenda mbuli yaleke kunongela, iwe ng'hulu hebu ndodo, hata mbuli ino hadaha kunifisa, lazima yanilongele.”

1 Samweli 20:4

Yonatani kamulongela, “Chochose chuulonda nokutendela.”

1 Samweli 25:26

“Avo mkulu wangu, kamba vija Mndewa Imulungu viyokala, na gweye viukala, kamba Mndewa Imulungu viyakugomese kuliha gehile kwa kwita damu kwa makono gako, leka iwanhu okwihila na waja olonda gehile gakupate waduwiligwe kamba Nabali.

1 Samweli 27:1

Daudi kalongelela munda kwa munda, “Siku dimoja ino Sauli kong'homa. Kinhu kinogile kumwangu ng'himbilile mwiisi ya Wafilisiti. Sauli koleka kunipelemba kuzimbaka za isi ya Izilaeli, na niye nokuwa ng'homboka kulawa mmakono gake.”