1 Samweli 20:16 - Biblia Kikutu

¹⁶ Avo Yonatani katenda lagano na ng'anda ya Daudi, “Mndewa Imulungu yawakoboze iwanhu omwihila Daudi.”

1 Samweli 20:16 ပူးပေါင်းရင်းမြစ်များ

Mwanduso 15:18

Siku ayo Mndewa Imulungu kailagana na Abulamu, kalonga, “Nowagwaa isi ino wanhu wa ulelo wako, kulawa lwanda lwa Misili mbaka lwanda luja mkulu lwa Fulate,

2 Samweli 21:8

Lakini mndewa kawalava Alimoni na Mefibosheti iyagwe wana wabili wa Lisipa mndele wa Aya yamulelele Sauli. Vivija kawalava wana watano wa Melabu mndele wa Sauli yamulelele Adilieli mwanage Balazilai wa buga da Mehola.

Kumbukumbu 23:21

“Wahaiduwila kinhu kwa Mndewa Imulungu, Imulungu wako, sikuukawe kukivikiza, kwavija Mndewa Imulungu, Imulungu wako kokilonda kulawa kumwako, na gweye kokuwa na nzambi.

Yoshua 22:23

Kamba tumuleka Mndewa Imulungu na tuzenga upango wa nhosa wetu wenyego ili tulave nhosa za kusomigwa moto hebu nhosa za ndiya hebu nhosa za kugala kuilumba, avo Mndewa Imulungu yatubwezele gehile.

1 Samweli 18:3

Kwavija Yonatani kakala komnogela Daudi na kamwika muumoyo wake, katenda lagano na heyo.

1 Samweli 20:42

Abaho Yonatani kamulongela Daudi, “Genda na tindiwalo. Kwavija tuiduwila kwa twaga da Mndewa Imulungu, Mndewa Imulungu iyo msindila wetu, kumwako gweye na niye na ulelo wetu milele.” Abaho Daudi kasegela na Yonatani kabwela kudibuga.

1 Samweli 22:8

Habali mweye mose monihinduka? Kuduhu hata munhu imoja kumwenu yanongele kipindi mwanangu kokwika lagano na mwanage Yese. Kuduhu hata munhu imoja yailumbile na niye hebu kunilongela kamba mwanangu mwenyego komtaza msang'hanaji wangu Daudi, mbaka viili lelo komhelemba?”

1 Samweli 23:18

Wose wabili weka wailagana kuulongozi wa Mndewa Imulungu. Yonatani kabwela ukae, lakini Daudi kasigala kuko kudibuga da Holeshi.

1 Samweli 25:22

Mndewa Imulungu yang'home kamba mayo imitondo niye siwakoma wambigalo wose weli kumwake.”

1 Samweli 25:26

“Avo mkulu wangu, kamba vija Mndewa Imulungu viyokala, na gweye viukala, kamba Mndewa Imulungu viyakugomese kuliha gehile kwa kwita damu kwa makono gako, leka iwanhu okwihila na waja olonda gehile gakupate waduwiligwe kamba Nabali.

1 Samweli 31:2

Na Wafilisiti wamkweleleza Sauli na wanage wa kimbigalo, Wafilisiti wawakoma Yonatani na Abinadabu na Malikishua iwana wa Sauli.