1 Samweli 2:8 - Biblia Kikutu

⁸ Kowenula wakiwa kulawa mditimbwisi, na kowenula welibule kinhu kulawa kudilundo da mitozi, na kowatenda wakale na iwakulu, na wahazi ivigoda va ukulu. Kwavija mhanda za isi yose za Mndewa Imulungu, uchanha yake keka isi yose.”

1 Samweli 2:8 ပူးပေါင်းရင်းမြစ်များ

Mwanduso 41:14

Avo, Falao kalagiza Yusufu yagaligwe, nao wamulava mkifungo wambea mvili na kasaula viwalo vake, kagaligwa kuulongozi wa Falao.

Mwanduso 41:40

Gweye ayo yonda uwe mulolesaji wa isi yangu, na wanhu zangu wose okuwa hasi mmakono gako. Niye niiyeka iyo mkulu kubanza gweye kwavija nokala mkigoda cha undewa.

2 Samweli 7:8

Avo, Imulungu kagendelela kulonga, “Avo, mulongele Daudi msang'hanaji wangu mbuli zino, Mndewa Imulungu yeli na udahi wose kolonga vino, ‘Nikusola kulawa mdizizi na kulawa kususila ng'hondolo ili uwalongoze wanhu zangu wa Izilaeli.

Zabuli 102:25

Aho haichanduso kusimika mhanda za isi, na ulanga sang'hano ya makono gako.

Zabuli 104:5

Kuisimika isi uchanha ya chandusilo chake, sikuitigisike siku zose na milele.

Zabuli 107:41

Lakini kawakombola iwanhu mmagazo gao, kawongeza ulelo wao kamba bumbila da ng'hondolo.

Zabuli 24:2

Kwavija heyo keka chandusilo chake uchanha ya bahali, kasimika chandusilo uchanha ya mizanda ya mazi.

Zabuli 75:3

Kipindi isi yose na iwanhu okala mumo yahatigisika, niye ayo nigogeleza mhanda zake sikuzilagale.

Zabuli 75:4

Kwa iwanhu oitapa nolonga, ‘Sikumuitape kabili,’ kwa iwanhu wehile nolonga, ‘Sikumwinule mhembe zenu.

Zabuli 75:7

Lakini Imulungu ayo yotagusa, komuhumulusa imoja na komkweza iyagwe.

Waebulania 1:3

Heyo ayo mng'alo wa ukulu wa Imulungu na koigala na Imulungu too! Kila kinhu cholawilila kwa lagizo jake dili na nguvu. Viyamambukize kuzisunha nzambi za wanhu, kakala kuna uukulu kuko kuulanga mwambu wa mkono wa kudila wa Imulungu mkulu.

Yakobo 2:5

Ndugu zangu niwanogela, tegelezeni! Imulungu kawasagula wanhu okoneka wakiwa mwiisi ili wawe wagoli mditamanilo na wengile muundewa uja uyawalongele kowagwaa wanhu omnogela.

Ugubulo 1:6

na katutenda tuwe undewa wa walava nhosa, tumsang'hanile Imulungu, Tatake. Yesu Kilisito yagweleligwe ukulu na nguvu siku zose! Ona.

Ugubulo 22:5

Honda kuwe na ikilo kabili, na wanhu okala mumo honda walonde taa hebu zuwa, kwavija Mndewa Imulungu kokuwa mulenge wao, na otawala kamba wandewa siku zose.

Ugubulo 3:21

Munhu yonda yahume nomtenda yakale hamoja na nene mna ikigoda cha undewa, kamba vija niye vinihumile ng'hala hamoja na Tatangu mna ikigoda chake cha undewa.

Ugubulo 5:10

Kuwatenda undewa na walava nhosa na wamsang'hanile Imulungu wetu, nao oilongoza isi yose.”

1 Samweli 15:17

Samweli kamulongela, “Gweye koyona kwa munhu mdodo, vino gweye huli kilongozi wa makabila ga Izilaeli? Mndewa Imulungu kakusagula uwe mndewa wa Izilaeli.