1 Samweli 2:29 - Biblia Kikutu

²⁹ Habali kuzonela migongo nhosa ziniwalongele wanhu wangalile? Gweye kuwategeleza wanago kubanza niye, muineneheza wenyego kwa kuja nyama zinogile za kila nhosa ziwandavile Waizilaeli.’

1 Samweli 2:29 ပူးပေါင်းရင်းမြစ်များ

Zabuli 26:8

Mndewa Imulungu, nonogezwa na ng'anda yako aho houkala, aho houkala ukulu wako.

Walawi 19:15

“ ‘Wahawatagusa wanhu wataguse goya, sikuumnogele mkiwa hebu kumdumba munhu yeli na cheo. Lakini uwalamule kamba viilondigwa.

Matayo 10:37

“Munhu yoyose yomnogela tatake hebu mamake kubanza niye hafaya yawe mwanahina wangu. Na munhu yoyose yowanogela wanage hebu mndele wake kubanza niye hafaya yawe mwanahina wangu.

Matayo 22:16

Wawatuma wanahina zao hamoja na wanhu wayagwe mna ikibumbila cha Helode. Walonga, “Mfundiza, tokujuwa gweye kwa munhu ulonga ukweli na kofundiza nzila za Imulungu mna ikweli. Humdumba munhu yoyose, kwavija hutonga ukulu wa munhu.

Luka 14:26

“Munhu yoyose yokwiza kumwangu na kuno kowanogela ng'hani tatake na mamake na mwehe wake na wanage na lumbu zake na ndugu zake na vivija kamba kounogela ng'hani ugima wake mwenyego kubanza kumnogela Kilisito, hadaha kuwa mwanahina wangu.

Walumi 16:18

Kwavija wose otenda kamba vivo hawamsang'hanila Mndewa wetu Kilisito, lakini osang'hana mbuli ya zinda zao. Kwa mbuli zao zaumulile na ulonzi wa kutewenza owavizila wanhu hawaujuwile uvizi awo choni.

2 Wakolinto 5:16

Avo kulawa sambi, hatumgesa munhu kwa kumulola. Hamoja hana kipindi tumgesa Kilisito kwa kumulola, sambi hatutenda vivo kabili.

Kumbukumbu 32:15

Wanhu wa Izilaeli waneneha na wavitowa mateke, waneneha na wakala na vitambi na wagilimbala, abaho wamuleka Imulungu yawalumbile, wambeza Dibwe kulu imkombola wao.

Kumbukumbu 33:9

Walawi wawaleka tata zao na mama zao, wawasemwa ndugu zao, hawawajuwile hata wanao kwavija wagagoga malagizo gako, na wagoga lagano jako.

Yakobo 3:17

Lakini nzewele ilawa kuulanga tanhu isunhigwa, na vivija ina tindiwalo na unogelwa na uhole, yowagelegeza wayagwe na imema bazi na yotenda ganogile, haibagula wanhu na yabule utapitapi.

Yoshua 18:1

Abaho umting'hano wose wa iwanhu wa Izilaeli waiting'hana ako Shilo na wadisimika dihema da mting'hano kuko. Isi ikala mmakono gao.

1 Samweli 3:13

Na nomulongela kamba nowatagusa iwanhu wa mng'anda yake milele, kwa gehile yagajuwile, kwavija wanage wakala onikudula niye, na heyo hawagomese bule.