1 Samweli 2:28 - Biblia Kikutu

²⁸ Niye nimsagula heyo mna gamakabila gose ga Izilaeli, ili yawe mulava nhosa wangu, yachole kuna uupango wangu wa nhosa, yakasome ubani na yavale kikoti kuulongozi wangu. Nimgwaa muhenga wako na iwanhu wa mng'anda yake nhosa zose zilavigwa kumwangu kwa moto kulawa kwa iwanhu wa Izilaeli.

1 Samweli 2:28 ပူးပေါင်းရင်းမြစ်များ

2 Samweli 12:7

Avo Natani kamulongela Daudi, “Gweye iyo munhu ayo, Mndewa Imulungu wa Izilaeli, kolonga vino, ‘Niye nikusagula uwe mndewa wa Izilaeli. Nikuhonya kulawa mmakono ga Sauli.

2 Samweli 6:14

Daudi kakala yavalile kikoti cha ulava nhosa, kavina kwa udahi wake wose haulongozi wa Mndewa Imulungu.

Kulawa 28:1

“Mgale ndugu yako Haluni na wanage wa kimbigalo, Nadabu na Abihu na Eleazali na Itamali. Uwasagule hagati ya wanhu wa Izilaeli ili wanisang'hanile kamba walava nhosa.

Kulawa 28:4

Walongele wamtendele vinhu vino, kikoba cha mmhambaga na kikoti na kanzu igeligwe ulembo na kanzu na kilemba na mkwiji. Ndugu yako Haluni na wanage wavale viwalo vivo ili wanisang'hanile kamba walava nhosa.

Kulawa 30:7

Kila imitondo Haluni yahengila kuzitanda zitaa, yasome ubani unung'hila goya uchanha ya upango.

Kulawa 30:8

Yatende vivo yahabwinha zitaa ichungulo. Nhosa ino ya ubani igendelele bila kulekigwa kipindi chose chonda kize cha ulelo wenu.

Walawi 2:10

Usage usigale wa nhosa ayo okuwa wa walava nhosa, nhosa ayo ing'ala ng'hani kwavija ilavigwa kwa Mndewa Imulungu kwa moto.

Walawi 2:3

Usage usigale wa nhosa ayo okuwa wa walava nhosa, nhosa ayo ing'ala ng'hani kwavija ilavigwa kwa Mndewa Imulungu kwa moto.

Walawi 6:16

Usage usigale udigwe na Haluni na ulelo wake bila kugeligwa hamila. Waudile hanhu hong'ala kuuluwa lwa dihema da mting'hano.

Walawi 7:32

Kihili cha mkono wa ukudila wa mnyama wa nhosa zenu za kugala kuilumba mumgwee mulava nhosa.

Walawi 7:36

Viwalavigwe kwa Mndewa kwa kugidiligwa mavuta, Mndewa Imulungu kawalagiza wanhu wa Izilaeli wawagwee fungu dijo da nhosa, siku zose yokuwa vivo.

Kupetigwa 16:5

Abaho kamulongela Kola na iwanhu wose wamkweleleze, “Mayo imitondo, Mndewa Imulungu kolagusa nani yeli wake na nani yong'ala, na heyo yonda yamsagule, komtenda yakwese behi yake.

Kupetigwa 18:19

“Vinhu vose viondavila Waizilaeli nokugwaa gweye na wanago na wandele zako, ajo dokuwa fungu jenu siku zose. Dino dokuwa lagano da siku zose mgameso gangu mbuli ya gweye na ulelo wako.”

1 Samweli 14:3

Mna iwanhu awo kakala Ahiya mwanage Ahitubu ndugu yake Ikabodi mwanage Finehasi, mzukulu wa Eli, mulava nhosa wa Mndewa Imulungu kudibuga da Shilo yakalile yovala kikoti cha ulava nhosa. Wanhu hawajuwile kamba Yonatani kasegela.

1 Samweli 2:18

Kipindi acho, mbwanga ayo Samweli viyakalile kogendelela kumsang'hanila Mndewa Imulungu, kakala yovala kikoti cha kitani.