1 Samweli 2:18 - Biblia Kikutu

¹⁸ Kipindi acho, mbwanga ayo Samweli viyakalile kogendelela kumsang'hanila Mndewa Imulungu, kakala yovala kikoti cha kitani.

1 Samweli 2:18 ပူးပေါင်းရင်းမြစ်များ

2 Samweli 6:14

Daudi kakala yavalile kikoti cha ulava nhosa, kavina kwa udahi wake wose haulongozi wa Mndewa Imulungu.

Kulawa 28:4

Walongele wamtendele vinhu vino, kikoba cha mmhambaga na kikoti na kanzu igeligwe ulembo na kanzu na kilemba na mkwiji. Ndugu yako Haluni na wanage wavale viwalo vivo ili wanisang'hanile kamba walava nhosa.

Walawi 8:7

Abaho kamvaza kanzu Haluni, na kadifunga na mkwiji, na kamvaza kanzu diyagwe na kikoti na kakifunga mkwiji ulukigwe goya mkigudi chake.

1 Samweli 14:3

Mna iwanhu awo kakala Ahiya mwanage Ahitubu ndugu yake Ikabodi mwanage Finehasi, mzukulu wa Eli, mulava nhosa wa Mndewa Imulungu kudibuga da Shilo yakalile yovala kikoti cha ulava nhosa. Wanhu hawajuwile kamba Yonatani kasegela.

1 Samweli 2:11

Abaho Elikana kabwela ukae ako Lama. Lakini mbwanga ayo Samweli kamsang'hanila Mndewa Imulungu kuulongozi wa Eli imulava nhosa.

1 Samweli 2:28

Niye nimsagula heyo mna gamakabila gose ga Izilaeli, ili yawe mulava nhosa wangu, yachole kuna uupango wangu wa nhosa, yakasome ubani na yavale kikoti kuulongozi wangu. Nimgwaa muhenga wako na iwanhu wa mng'anda yake nhosa zose zilavigwa kumwangu kwa moto kulawa kwa iwanhu wa Izilaeli.

1 Samweli 22:18

Avo Sauli kamulongela Doegi, “Gweye wakome walava nhosa.” Doegi, Mwedomu kawakoma walava nhosa wose. Siku dijo Doegi kawakoma walava nhosa malongo nane na tano waja iwalava nhosa iwovala vikoti va kitani.

1 Samweli 3:1

Kipindi acho Samweli kakala yomsang'hanila Mndewa Imulungu muulolezi wa Eli. Kipindi acho usenga wa Mndewa Imulungu haukalile baho kwa baho, na Imulungu halaguse kinhu baho kwa baho.