1 Samweli 19:4 - Biblia Kikutu

⁴ Yonatani kamtogola ng'hani Daudi na kumulongela tatake, “Sikuumtende mbuli ihile msang'hanaji wako Daudi, kwavija heyo hatendile mbuli yoyose ihile kumwako. Sang'hano zake zigala ukumweda.

1 Samweli 19:4 ပူးပေါင်းရင်းမြစ်များ

Mwanduso 42:22

Lubeni kawalongela, “Vino niye siwalongele bule sikutumulumize imbwanga? Lakini mweye hamunhegeleze bule! Avo sambi totagusigwa mbuli ya damu yake.”

Mwanduso 9:6

Munhu yonda yamkome miyage na heyo kokomigwa, kwavija munhu kalumbigwa kamba viyeli Imulungu.

Zabuli 35:12

Oniliha gehile hanhu ha ganogile, hata loho yangu ina lusikisiki.

Zabuli 59:4

Niye sitendile dihile ila hewo waitanda kunivamila. Go Mndewa Imulungu, wize unitaze ulole sambi vinili.

Nongezi 17:13

Yobweleza gehile hanhu ha ganogile, gehile hagamala mwiing'anda yake.

1 Wakolinto 8:12

Kwavija mowatendela nzambi wakilisito waenu na kuilumiza mizoyo yao inyolile, momtendela nzambi Kilisito.

1 Yohana 3:15

Munhu yoyose yomwihila ndugu yake mkomaji, na mweye mojuwa munhu yoyose mkomaji kabule ugima wa milele mgati mmwake.

1 Samweli 2:25

Kamba munhu yahamtendela nzambi miyage, Imulungu kodaha kuwagombeleza, lakini kamba munhu yahamtendela nzambi Imulungu nani yodaha kumgombeleza?” Lakini wanage hawamtegeleze tatao, kwavija Mndewa Imulungu kagesa kuwakoma.

1 Samweli 20:32

Yonatani kamuuza tatake, “Habali yakomigwe? Katenda kinhu gani?”

1 Samweli 22:14

Ahimeleki kamulongela, “Nani mna iwasang'hanaji zako wose yuumtamanila kamba Daudi? Ino mkwe yako gweye mndewa na heyo kilongozi wa iwakalizi okukaliza gweye, na kogweleligwa ukulu kubanza wose mwiing'anda yako.