1 Samweli 18:30 - Biblia Kikutu

³⁰ Wakalizi wa Wafilisiti wachola kuitowa na Waizilaeli, lakini kila viwakalile oitowa ng'hondo, Daudi kakala yohuma kubanza wasang'hanaji wa Sauli, avo twaga da Daudi dibanza kujuwigwa.

1 Samweli 18:30 ပူးပေါင်းရင်းမြစ်များ

2 Samweli 11:1

Kipindi cha mwanduso wa mwaka, kipindi acho wandewa wacholaga kung'hondo, Daudi kamtuma Yoabu na wakulu zake hamoja na Waizilaeli wose, wakawakome Waamoni na wakadizunguluke buga jose da Laba. Lakini Daudi kasigala Yelusalemu.

2 Samweli 7:9

Nikala hamoja na gweye kila hanhu kuucholile na niye niwasegesa iwanhu okwihila wakalile kuulongozi wako. Avo noditenda twaga jako diwe kulu kamba wakulu wayagwe okala mwiisi yose.

Zabuli 116:15

Ifa ya iwanhu omtamanila Mndewa Imulungu, siyo mbuli ndodo mgameso gake.

Zabuli 119:99

Notanga ng'hani kubanza wose wanifunzile, kwavija nozigelegeza amuli zako.

Nongezi 12:8

Munhu kotogoligwa kwa nzewele zake, lakini munhu iyogesa gehile kobezigwa.

Luka 21:15

kwavija niye nowagwaa ubala na mbuli za kulonga. Kuduhu munhu mna iwanhu wamwihileni yodaha kuwahuma hebu kulema chonda mulonge.

Waefeso 5:15

Avo, muiteganye vija vimukala. Sikumukale kamba wanhu wabozi, lakini kaleni kamba wanhu weli na nzewele.

1 Petulo 2:4

Avo mwize kumwake, heyo yeli dibwe dili gima dilemigwe na wanhu, lakini Imulungu kadisagula na domfaya.

1 Petulo 2:7

Avo mweye muditogola difaya ng'hani, lakini kwa waja hawaditogola, “Dibwe dilemigwe na wazengaji kamba hadifaya, diwa dibwe kulu kubanza gose.”

1 Samweli 18:29

Sauli kagendelela kumdumba Daudi, na kumwihila siku zose.

1 Samweli 18:5

Chochose kiyatumigwe Daudi na Sauli kutenda kakitenda goya, avo Sauli kamtenda yawe mkulu wa iwakalizi, mbuli ayo iwanogeza wanhu hamoja na wasang'hanaji wa Sauli.

1 Samweli 19:8

Abaho ilawilila ng'hondo kabili Wafilisiti na Waizilaeli. Daudi kachola kuitowa na Wafilisiti, kawakoma Wafilisiti wengi na waja wasigale wakimbila.

1 Samweli 2:30

“Avo Mndewa Imulungu, Imulungu wa Izilaeli, kolonga vino, ‘Niiduwila kamba ulelo wako na ulelo wa muhenga wako osang'hana kuulongozi wangu milele.’ Lakini sambi Mndewa Imulungu kolonga, ‘Mbuli ayo iwe kutali na niye, kwavija nowagesa wose onigesa niye na wose onibezeli na niye nowalema.

1 Samweli 26:21

Abaho Sauli kamwidika, “Niye nhenda vihile. Bwela mwanangu Daudi. Sigeza kukukoma kabili kwavija lelo kunileka mgima. Niye nambozi na nhenda vihile ng'hani.”

1 Samweli 26:24

Kamba viniwonile ofaya ugima wako lelo, vivo ili kwa ugima wangu ufaye kwa Mndewa Imulungu na heyo konikombola kulawa mmagazo gose.”