1 Samweli 18:27 - Biblia Kikutu

²⁷ Daudi hamoja na wanhu zake wachola kuwakoma Wafilisiti magana mabili na waisola migovi yao na kumgalila Sauli. Kagapeta kuulongozi wa mndewa, ili Daudi yamsole mndele wa mndewa. Avo Sauli kamgwaa Daudi mndele wake Mikali yawe mwehe wake.

1 Samweli 18:27 ပူးပေါင်းရင်းမြစ်များ

2 Samweli 3:13

Daudi kalonga, “Vinoga notenda lagano na gweye, lakini nolonda kinhu kimoja kumwako. Waheza kumwangu mgale Mikali, mndele wa Sauli.”

2 Samweli 3:14

Daudi kawatuma wasenga kwa Ishibosheti mwanage Sauli, wakamulongele, “Mbwezela mwehe wangu Mikali inimfungile zengele kwa migovi gana dimoja ya Wafilisiti.”

Wasemi 14:19

Baho Loho ya Mndewa Imulungu imwingila Samsoni kwa nguvu, na heyo kachola kudibuga da Ashikeloni, kawakoma wanhu malongo madatu, abaho kavisola viwalo vao, kawagwaa wanhu awo wakitegule ikitendawili chake. Abaho kachola ukae kwa tatake akuno kagevuzika.

1 Samweli 14:49

Wanage Sauli wakala Yonatani na Ishivi na Malikishua. Wanage wa ikitwanzi wakala wabili, imkulu kakemigwa Melabu na imdodo kakemigwa Mikali.

1 Samweli 18:13

Kwa mbuli ayo, Sauli kamtenda Daudi yawe mkulu wa wakalizi elufu imoja, Daudi kawalongoza kuna ing'hondo.

1 Samweli 18:17

Sauli kamulongela Daudi, “Ino hano mndele wangu imkulu Melabu, nokugwaa umsole kwa malagano mabili, uwe mkalizi wangu galu, na uitowe ng'hondo ya Mndewa Imulungu.” Kwavija Sauli kagelegeza, “Niye simkoma bule kwa mkono wangu, leka Wafilisiti wamkome.”

1 Samweli 18:28

Lakini Sauli viyajuwile kamba Mndewa Imulungu kakala hamoja na Daudi, na mndele wake Mikali kamnogela ng'hani Daudi,

1 Samweli 25:44

Kipindi acho, Sauli kakala yamulavile mndele wake Mikali, yakalile mwehe wa Daudi, ili yasoligwe na Paliti mwanage Laishi, kulawa buga da Galimu.